जळगावकरांना भरली हुडहुडी, पारा घसरला ; थंडीचा जोर आणखी वाढणार

जळगावकरांना भरली हुडहुडी, पारा घसरला ; थंडीचा जोर आणखी वाढणार

जळगाव जिल्ह्यात गेल्या आठवड्याभरापासून थंडीचा जोर वाढला आहे. त्यातच रात्रीच्या तापमानाचा पारा प्रचंड घसरला. जिल्ह्यातील अनेक भागात रात्रीचे तापमान दहा अंशापर्यंत खाली घसरले होते.त्यामुळे जळगावकरांना हुडहुडी भरली आहे. येत्या चार ते पाच दिवसात पारा अजून कमी होवून रात्रीचे तापमान सात अंशापर्यंत कमी होण्याची शक्यता हवामान विभागाकडून वर्तविण्यात आली आहे.

कमी होणाऱ्या थंडीचा रब्बी पिकांना फायदा होत असला तरी देखील फळबागांचे काही प्रमाणात नुकसान या अतिथंडीमुळे होणार असल्याने शेतकरीही चिंतेत आहेत. अतिथंडीचा सर्वांधिक फटका केळीला बसत आहे. केळीवर करपा रोगाचा प्रादुर्भाव वाढला आहे. थंडीपासून बचावासाठी अनेक ठिकाणी रात्रीच्या वेळी नागरिकांनी शेकोट्या पेटवल्याचे चित्र आहे. तसेच थंडीपासून बचावासाठी नागरिक उबदार कपडे परिधान करत आहेत. सकाळी 8 पर्यंत धुक्याची चादर थंडीमुळे जळगाव जिल्ह्यातील अनेक भागात सकाळी धुक्याची चादर परलेली होती. सकाळी ८ वाजेपर्यंत दाट धुक्याची चादर पाहायला मिळाली. जळगाव जिल्ह्यातनोव्हेंबरच्या पहिल्या आठवड्यात तापमानात घट झाल्यानंतर, पुन्हा दुसऱ्या व तिसऱ्या आठवड्यात वाढ झाली होती. शुक्रवारी (दि. 13) रात्री जिल्ह्यात रात्रीच्या तापमानाचा पारा प्रचंड घसरल्याने जळगावकरांना मात्र हुडहुडी भरली.