प्रादेशिक परिवहन अधिकाऱ्याच्या पंटरला तीन लाखाची लाच घेताना अटक

प्रादेशिक परिवहन अधिकाऱ्याच्या पंटरला तीन लाखाची लाच घेताना अटक

जळगाव | सीमा तपासणी नाका नवापूर येथे नोव्हेंबर 2024 या महिन्यात नियुक्ती दिल्याच्या मोबदल्यात जळगाव येथील प्रादेशिक परिवहन कार्यालयातील प्रादेशिक परिवहन अधिकारीच्या पंटरला तीन लाखाची लाच घेताना संभाजीनगर येथील लाच लुचपत प्रतिबंधक विभागाने अटक केली.याप्रकरणी एमआयडीसी पोलिसात गुन्हा नोंद करण्याचे काम सुरू आहे.

याबाबत लाच लुचपत प्रतिबंधक विभाग संभाजीनगर यांनी दिलेल्या माहितीवरून तक्रारदार यांची सीमा तपासणी नाका नवापूर येथे नोव्हेंबर 2024 या महिन्यात नियुक्ती दिल्याचा मोबदला म्हणून 3 तीन लाख रुपये लाचेची मागणी केली. प्रादेशिक परिवहन अधिकारी दीपक पाटील यांनी लाच देण्यास प्रोत्साहन देऊन खाजगी इसम भिकन मुकुंद भावे वय, 52 वर्ष,आदर्श नगर प्लॉट ,नं 98 ,जळगाव याच्या मार्फत पंच साक्षीदारा समक्ष मेहरून तलाव जवळ, फ्लॅट न. 3, 10 लेक होम अपार्टमेंट , जळगाव येथे लाच स्वीकारली असता भिकन मुकुंद भावे व दीपक पाटील यांना ताब्यात घेण्यात आले. पो.स्टे एम.आय.डी.सी जळगाव येथे गुन्हा दाखल करण्याची प्रक्रिया सुरू आहे. हा सापळा यशस्वी कारवाई लाचलुचपत प्रतिबंधक विभाग संभाजीनगर निरीक्षक अमोल धस पोलीस सापळा सहाय्यक अधिकारी सुरेश नाईकनवरे, पो. हेकॉ. अशोक नागरगोजे, युवराज हिवाळे, पोअंम, विलास चव्हाण सचिन बारसे, सी एन बागुल यांनी कारवाई केली.