शेवटी मृत्यूच्या खेळात कोणी मारली बाजी? सिंह करत होता बिबट्याची शिकार, पण तेवढ्यात झाला पलटवार.

बिबट्या आणि सिंहामध्ये झालं घनघोर युद्ध, शेवटी या युद्धात कोण जिंकलं? या व्हिडीओचा शेवट पाहून तुम्हाला आपल्या डोळ्यांवर विश्वास बसणार नाही.सिंह हा किती खतरनाक शिकारी आहे, हे काही वेगळं सांगायला नको. वेळ आली तर तो एका भल्यामोठ्या हत्तीला देखील फाडून टाकू शकतो इतकी प्रचंड ताकत त्याच्याकडे आहे. सिंह शिकारीवर निघाला की अख्खं जंगल भितीनं थरथर कापतं. अन् म्हणूनच त्याला जंगलाचा राजा म्हणतात. पण याच राजाशी चक्क एक बिबट्या भिडला.

खरं तर हा सिंह बिबट्याची शिकार करत होता. पण बिबट्या सुद्धा अनुभवी शिकारी आहे. त्यानं सिंहावर जोरदार प्रतिहल्ला केला. शेवटी या युद्धात कोण जिंकलं हे आता तुम्हीच पाहा. या लढाईचा शेवट पाहून तुम्ही देखील चकित व्हाल.जंगली शिकारी कधीही तुल्यबळ प्राण्यांवर हल्ला करण्याच्या भानगडीत पडत नाहीत. कारण लढाईमध्ये ते स्वत: सुद्ध जबरदस्त जखमी होण्याची शक्यता असते. अन् त्यामुळे ते नेहमी हरीण, झेब्रा, वनगाय यांसारख्या शाकाराही प्राण्यांची शिकार करतात. असो, पण हा सिंह मात्र फारच भुकेला दिसतोय. कारण त्यानं जंगलातील अलिखित नियम मोडला. त्यानं पोटाची आग विझवण्यासाठी बिबट्यावर झटप मारली. पण सिंहाचा दुदैव म्हणजे बिबट्या सुद्धा खतरनाक शिकारी आहे. त्यानं मोठ्या हुशारीनं सिंहाचा वार चुकवला.

सिंहानं आपल्या पूर्ण शक्तिनीशी बिबट्यावर हल्ला केला. त्यानं वाऱ्याच्या वेगानं आपले पंजे फिरवून बिबट्याला फाडण्याचा प्रयत्न केला. पण बिबट्यानं वीजेच्या गतीनं सर्व वार चुकवले आणि शेवटी संधी मिळताच तो पळून गेला. सिंह कितीही चपळ असला तरी बिबट्या गर्द झाडीमध्ये लपण्यास पटाईत आहे. त्यामुळे शेवटी बिबट्याने या लढाईत बाजी मारली असं म्हटलं तर वावगं ठरणार नाही. असो, सिंहाचा हा पराभव पाहूनन तुमच्या डोक्यात कुठले विचार आले? तुम्ही देखील आपल्या प्रतिक्रिया द्या.