पाचोऱ्यात किशोर पाटील vs वैशाली सूर्यवंशी दोन्ही बहीण-भावात लढत

मागील दोन निवडणुकांमध्ये आमदार किशोर पाटील यांना पाचोऱ्यातून राष्ट्रवादी काँग्रेसकडून आव्हान मिळत होते. या निवडणुकीत खुद्द त्यांचीच बहीण त्यांना लढत देण्यासाठी सज्ज झाली आहे. आर. ओ. पाटील हयात असेपर्यंत शिवसेनाप्रमुख बाळासाहेब ठाकरे आणि उद्धव ठाकरे यांचे खंदे समर्थक राहिले होते. त्यांनीच पुतणे किशोर पाटील यांना २०१४ मध्ये आमदारकीसाठी पहिल्यांदा पुढे केले होते. त्यामुळे किशोर पाटील यांना पाचोऱ्यातून आमदार होण्याचा बहुमान मिळाला. मात्र, काकांच्या पश्चात शिवसेनेत उभी फूट पडल्यानंतर आमदार पाटील यांनी एकनाथ शिंदे यांना साथ दिली. दुसरीकडे आर. ओ. पाटील यांचा वारसा चालविणाऱ्या वैशाली सूर्यवंशी यांनी उद्धव ठाकरेंना समर्थन दिले.