Rajendra Nikam
जिल्हाधिकारी कार्यालयात राष्ट्रीय एकात्मता दिनानिमित्त शपथग्रहण..
जळगाव, शासनाच्या निर्देशानुसार जिल्हाधिकारी कार्यालय, जळगाव येथे आज राष्ट्रीय एकात्मता दिनानिमित्त अधिकारी व कर्मचाऱ्यांनी राष्ट्रीय एकात्मताची एकत्रितरित्या शपथ घेतली. देशातील ऐक्य, सद्भावना आणि राष्ट्रीय एकात्मता अधिक दृढ करण्याच्या उद्देशाने हे शपथग्रहण आयोजित करण्यात आले होते.
यावेळी जिल्हाधिकारी रोहन घुगे,निवासी उपजिल्हाधिकारी वैशाली चव्हाण तसेच उपजिल्हाधिकारी विजयकुमार ढगे यावेळी उपस्थित होते. अधिकारी व कर्मचाऱ्यांनी देशाची एकता,अखंडता आणि सुरक्षितता जपण्यासाठी तसेच सर्व नागरिकांमध्ये बंधुता, समभाव आणि शांतता वृध्दिंगत करण्यासाठीचा संकल्प यावेळी व्यक्त केला. या कार्यक्रमास जिल्हाधिकारी कार्यालयातील अधिकारी व कर्मचारी उपस्थित होते.
