Rajendra Nikam
जामठी येथील सीसीटीव्ही कॅमेऱ्याची दयनीय अवस्था.
बोदवड तालुक्यातील जामठी येथे ग्रामपंचायतीने गावातील चोरी ,घटना, दुर्घटना आधी रोखण्यासाठी व यावर नियंत्रण मिळवण्यासाठी सन 2022 23 मध्ये पंधराव्या वित्त आयोगामधून गावाच्या मुख्य रस्त्यालगत सीसीटीव्ही कॅमेरे बसवण्यात आले मात्र या कॅमेर्यांची प्रचंड दुरवस्था झालेली असल्याने ही योजना बंद पडलेली आहे . तरी काल रात्री सीसीटीव्ही कॅमेऱ्याचा एक पोल कोसळल्याने पोल वरील सर्व कॅमेरे तुटून पडलेले दिसून आले.
दरम्यान याबाबत अधिक माहिती अशी की जामठी गावामध्ये पंधरावे वित्त आयोगातून चार लाख 17 हजार 366 खर्च करून गावाच्या मुख्य रस्त्यालगत सीसीटीव्ही कॅमेऱ्यांचे 24 कॅमेरे या ठिकाणी बसवण्यात आले तरी ह्या योजनेची आगामी दोन वर्षाची मेंटनस पूर्ण जबाबदारी ही संबंधित ठेकेदारांवर दिलेली होती मात्र दोन वर्ष संपल्यानंतर या ठिकाणचे सर्वच्या सर्व सीसीटीव्ही कॅमेरे ही बंद पडलेले असून अनेक ठिकाणी या कॅमेऱ्याची पोल खाली पडलेले आहे तर वायर तुटलेल्या आहे. त्यामुळे ग्रामपंचायत अंतर्गतली ही सुविधा पूर्णतः बंद पडलेली दिसून येत आहे . त्यामुळे ग्रामपंचायतीने केलेला लाखो रुपयांचा खर्च हा वाया गेलेला असून याची जबाबदारी ग्रामपंचायत प्रशासन घेणार नाही का असा सवाल नागरिकांकडून व्यक्त होत आहे. याचबरोबर ग्रामपंचायत अंतर्गत असलेल्या पिठाच्या गिरणीवरही लाखो रुपये खर्च करून ही गिरणी बंद पडलेली आहे तसेच गावातील पिण्याच्या पाण्याचे आरो मशीन प्लांट हा गेल्या चार वर्षापासून बंद अवस्थेत आहे तरी या सुविधा तातडीने द्याव्या अशी मागणी नागरिकांकडून करण्यात येत आहे.
