Rajendra Nikam
आदिवासी पाड्यावर दीपावलीचा आनंद – अंतर्नाद प्रतिष्ठानचा उपक्रम…
भुसावळ : अंतर्नाद प्रतिष्ठान गेल्या दहा वर्षांपासून दीपावलीच्या निमित्ताने वंचित कुटुंबांपर्यंत आनंद पोहोचवण्याचे कार्य सातत्याने करीत आहे. या वर्षी “वाटीभर फराळ द्या आणि वंचितांचे तोंड गोड करा” या संकल्पनेतून संस्थेने फराळ, नवीन कपडे, शालेय साहित्य व किराणा वाटपाचा कार्यक्रम यावल तालुक्यातील सातपुड्याच्या पायथ्याशी असलेल्या आदिवासी पाडा “माथन” येथे आयोजित केला.
हा उपक्रम 20 ऑक्टोबर रोजी आदिवासी लोकांच्या सहभागाने उत्साहात पार पडला. प्रकल्पप्रमुख जीवन महाजन, समन्वयक योगेश इंगळे, प्रसन्ना बोरोले आणि समाधान महाजन यांनी संपूर्ण नियोजनाची जबाबदारी सांभाळली.
या उपक्रमाच्या यशस्वी आयोजनासाठी ज्ञानेश्वर घुले, ललित महाजन, अमितकुमार पाटील, कुंदन वायकोळे, राहुल भारंबे, विक्रांत चौधरी, हितेंद्र नेमाडे, अमित चौधरी, देव सरकटे, राजू वारके, चंद्रकांत सूर्यवंशी, शिरीष कोल्हे, कपिल धांडे, केतन महाराज, प्रमोद पाटील, हरीश भट, निवृत्ती पाटील, सचिन पाटील, जीवन सपकाळे आणि मंगेश भावे यांनी परिश्रम घेतले.अंतर्नाद प्रतिष्ठानचे अध्यक्ष संदीप पाटील यांच्या मार्गदर्शनाखाली पार पडलेल्या या उपक्रमामुळे माथन पाड्यावर आदिवासी कुटुंबांच्या चेहऱ्यावर आनंदाचे सोनेरी क्षण अनुभवता आले.
