Rajendra Nikam
देवळाली (Deolali) ते नाशिक (Nashik) दरम्यान ओव्हरहेड वायर तुटल्याने मध्य रेल्वेची (Central Railway) वाहतूक विस्कळीत झाल्याची माहिती समोर येत आहे. मध्यरात्रीच्या सुमारास मध्य रेल्वेच्या डाऊन मार्गावर ही घडली घटना आहे. ही घटना घडण्याच्या थोड्यावेळा अगोदरच अस्वली ते पाडळी दरम्यान सुद्धा ओव्हरहेड वायर तुटली होती. तेथील काम पूर्ण झाल्यावर नाशिकरोडजवळ वायर तुटली. सध्या रेल्वेचे पथक घटनास्थळी दाखल झाले असून ओव्हरहेड वायर दुरुस्तीचे काम युद्ध पातळीवर सुरु आहे. या प्रकाराने मध्य रेल्वेची वाहतूक कोलमडली असून चाकरमान्यांना मोठ्या अडचणींचा सामना करावा लागत आहे. गाड्या पाच ते सहा तास उशिराने धावत आहेत. या बिघाडामुळे 11113 देवळाली – नाशिक पॅसेंजर ही गाडी प्रवासासाठी पूर्णपणे रद्द करण्यात आली आहे. तर इतर काही गाड्यांचा मार्ग बदलण्यात आला आहे.
