मी तिला संपवलं, वकील पतीची पोलिसांकडे कबुली; बेडरुममध्ये…. कारण हैराण करणारं.

सोलापुरात वकीलाने पत्नीची हत्या केल्याची घटना समोर आली आहे. घरगुती वादातून घडलेल्या या हत्येनंतर आरोपी स्वतः पोलीस ठाण्यात हजर झाला आणि गुन्हा कबूल केला. पोलिसांनी प्रशांतला अटक केली आहे. या घटनेमुळे परिसरात खळबळ उडाली आहे. पोलीस पुढील तपास करत आहेत.सोलापुरात एक धक्कादायक घटना समोर आली आहे. वकील असलेल्या प्रशांत राजहंस याने आपली पत्नी भाग्यश्री राजहंस हिची हत्या केली. घरगुती भांडणामुळे त्यांनी हे टोकाचं पाऊल उचललं. पत्नीची हत्या केल्यानंतर प्रशांत स्वतः फौजदार चावडी पोलीस ठाण्यात हजर झाला. त्याने पोलिसांना हत्येची कबुली दिली. भाग्यश्री यांच्या भावाने दिलेल्या तक्रारीनुसार, घर बांधण्यासाठी पैसे देण्यावरून सतत वाद होत होते. यातूनच ही हत्या झाली. पोलिसांनी प्रशांतला अटक केली असून, पुढील तपास करत आहेत.प्रशांत राजहंसने पत्नी भाग्यश्रीची हत्या केल्यानंतर स्वतःच पोलीस स्टेशन गाठलं. त्याने वरिष्ठ पोलीस निरीक्षकांसमोर पत्नीचा खून केल्याची कबुली दिली. मी माझ्या पत्नीचा खून केला आहे, असं प्रशांतने पोलिसांना सांगितलं. पोलिसांनी त्याला ताब्यात घेतलं आणि ते घटनास्थळी पोहोचले.घरात बेडरुममध्ये रक्ताच्या थारोळ्यात पडलेल्या भाग्यश्रीला पाहून पोलीसही हादरले.

प्रशांतने धारदार चाकूने भाग्यश्रीच्या गळ्यावर वार केले होते. भाग्यश्री प्रशांत राजहंस (वय ३४) असं मृत महिलेचं नाव आहे. त्या स्वराज्य विहार, ब्रीजजवळ, सोलापूर येथे राहत होत्या. आरोपी प्रशांत रवींद्र राजहंस (वय ४४) मूळचा मंगळवेढा येथील आहे. तो सध्या सोलापूरच्या स्वराज्य विहारमध्ये राहत होता.प्रशांत आणि भाग्यश्री यांचा २०१८ मध्ये विवाह झाला होता. काही वर्षांनंतर त्यांच्यात घरगुती वाद सुरू झाले. सततच्या भांडणांना कंटाळून प्रशांतने हे टोकाचं पाऊल उचललं. या घटनेनंतर भाग्यश्रीच्या कुटुंबीयांना मोठा धक्का बसला आहे.भाग्यश्रीचे भाऊ रत्नदीप भोसले यांनी पोलिसांत तक्रार दाखल केली आहे. त्यांनी सांगितलं की, लग्नानंतर भाग्यश्री आणि प्रशांत यांच्यात घरगुती कारणांवरून भांडणं होत होती. प्रशांत भाग्यश्रीला घर बांधण्यासाठी पैसे मागत होता. तसंच, तो तिला शारीरिक आणि मानसिक त्रास देत होता. मंगळवेढ्यात राहण्यास तिने नकार दिल्याने तिचा खून करण्यात आला, असं रत्नदीप यांनी तक्रारीत म्हटलं आहे. भाग्यश्रीचा भाऊ संदीप भोसले यांच्या तक्रारीवरून गुन्हा दाखल करण्यात आला आहे.

भाग्यश्री माहेरी मंगळवेढ्याला राहत नव्हती. तसंच, तिने घर बांधण्यासाठी पैसे दिले नाही, याचा राग प्रशांतच्या मनात होता. याच रागातून त्याने भाग्यश्रीवर चाकूने वार केले.त्यानंतर भाग्यश्री बेडरूममध्ये रक्ताच्या थारोळ्यात पडली होती.प्रशांत राजहंस मूळचा मंगळवेढ्याचा आहे. तो मंगळवेढा तालुका न्यायालयात वकिली करायचा. सोलापूर जिल्हा व सत्र न्यायालयातही तो कामासाठी येत असे. भाग्यश्रीचं सासरच्यांशी जमत नव्हतं. तिचं घरातील इतर सदस्यांशी सतत भांडण होत होतं. विशेषतः दिरासोबत तिचे वारंवार वाद होत होते. प्रशांत आणि भाग्यश्री पाच महिन्यांपूर्वी सोलापुरात राहायला आले होते.शेजाऱ्यांनी पोलिसांना सांगितलं की, राजहंस दांपत्य सोलापुरात नवीनच आलं होतं. त्यामुळे त्यांच्याबद्दल जास्त माहिती नव्हती. पण काही दिवसांपासून त्यांच्यात सतत भांडणं होत होती, हे शेजाऱ्यांच्या लक्षात आलं होतं. पोलिसांनी या माहितीच्या आधारे अधिक तपास सुरू केला आहे.