धाकट्या भावाला दारुचा नाद, घरात सतत भांडण; मोठ्या भावाने रागाच्या भरात आईबापासमोर… थरारक घटना.

प्रवीण कामधंदा करीत नव्हता. तो रोज मद्यपान करून घरात सतत भांडण करीत असे. रविवारी रात्री त्याने घरात गोंधळ घातला, त्यामुळे अनिकेतची पत्नी मुलीला घेऊन माहेरी गेली होती.सतत मद्यपान करून कुटुंबाला त्रास देणाऱ्या लहान भावाचा मोठ्या भावाने चाकूने वार करून खून केला. बिबवेवाडी पोलिस ठाण्याच्या हद्दीत अप्पर इंदिरानगर येथे सोमवारी सकाळी हा प्रकार घडला. या प्रकरणी बिबवेवाडी पोलिसांनी आरोपी भावाला अटक केली. त्याच्याविरुद्ध खुनाचा गुन्हा दाखल करण्यात आला आहे.खून झालेल्या व्यक्तीचे नाव प्रवीण ऊर्फ ऋतिक दत्तात्रय नवले असे असून, खून केल्याप्रकरणी त्याचा भाऊ अनिकेत नवले (वय २६) याला अटक करण्यात आली आहे.पोलिसांनी दिलेल्या माहितीनुसार, प्रवीण कामधंदा करीत नव्हता.

तो रोज मद्यपान करून घरात सतत भांडण करीत असे. रविवारी रात्री त्याने घरात गोंधळ घातला, त्यामुळे अनिकेतची पत्नी मुलीला घेऊन माहेरी गेली होती.सोमवारी सकाळी त्यांच्यात पुन्हा एकदा वाद झाला. या वेळी घरात आई-वडीलही उपस्थित होते. वाद विकोपाला गेल्यानंतर अनिकेतने घरातील चाकू उचलून प्रवीणच्या पोटावर वार केले. त्यामुळे प्रवीण जागीच कोसळला. घरातील आरडाओरडा ऐकून शेजारी धावत आले. त्यांनी पोलिस नियंत्रण कक्षाला माहिती दिली. पोलिस घटनास्थळी दाखल झाले, तेव्हा अनिकेत घरातच डोक्यावर हात ठेवून सुन्न अवस्थेत बसला होता.

पोलिसांनी प्रवीणचा मृतदेह विच्छेदनासाठी पाठवून अनिकेतला ताब्यात घेतले.नवले कुटुंबाची परिस्थिती हलाखीची आहे. वडील बेरोजगार असून, आई धुणीभांडी करून पैसे कमावते. अनिकेत मजुरी करून घराचा खर्च भागवत होता. प्रवीणच्या वागणुकीमुळे घरात तणाव असे. या प्रकरणाचा तपास वरिष्ठ पोलिस निरीक्षक अश्विनी सातपुते यांच्या मार्गदर्शनाखाली सुरू आहे.औंध येथील ब्रेमेन चौकात महावितरणच्या वीज यंत्रणेजवळ सोमवारी (१४ जुलै) सकाळी पावणेदहाच्या सुमारास दोन तरुणांचे मृतदेह आढळून आल्याने खळबळ उडाली. विनोद चिंतामण क्षीरसागर (२९, रा. कस्तुरबा वसाहत, औंध) आणि सौरभ विजय निकाळजे (२७, रा. पौड रस्ता, कोथरूड) अशी मृतांची नावे आहेत. त्यांचा मृत्यू विजेचा धक्का बसून झाल्याची प्राथमिक शक्यता व्यक्त होत आहे.