“मला जाण्याचे दुःख आहे पण… लव्ह यू ऑल” स्वतःला एकटं पाडलं अन् स्पर्धापरीक्षेची तयारी करणाऱ्या तरुणाने नको तेच केलं.

थोडं थांबा! प्रत्येकवेळी आपण स्वतःला कमी समजून नैराश्यात न जाता आतापर्यंत जे जे Achievements मिळवले आहेत ते आठवून स्वतःत उमेद निर्माण करणं महत्त्वाचं ठरतं. कोणतंही टोकाचं पाऊल उचलण्याआधी एकदा ‘मागे वळून’ पाहणं खूप महत्त्वाचं. आणि या सगळ्या तणावात तज्ञांचं मत घेणं कधीही उपयुक्त ठरतं.या जगात सर्वात दुर्मिळ होत चाललेली गोष्ट म्हणजे सुखाची झोप. प्रत्येकचजण आज फक्त कशा ना कशाच्या मागे धावतच आहे. आणि या धावपळीत माणूस स्वतःला हरवत चाललाय. सतत जबाबदारीच्या ओझ्याखाली दबत चालल्यामुळे ‘मोकळा श्वास’ घेणं कठीण होत चाललंय.

इतरांच्या अपेक्षा पूर्ण करता करता माणूस अधिक तणावग्रस्त होत चाललाय. ज्याने जगणं हरवत चाललंय. ज्या स्पर्धेत आपण उतरलोय त्यात आपण जिंकलच पाहिजे असा अट्टहास नैराश्याला जन्म देतो. इच्छित आणि अपेक्षित गोष्ट नाही मिळाली की प्रचंड मानसिक तणाव निर्माण होतो. आणि तरुण पिढी याची सर्वात जास्त बळी ठरतेय.पण थोडं थांबा! प्रत्येकवेळी आपण स्वतःला कमी समजून नैराश्यात न जाता आतापर्यंत जे जे Achievements मिळवले आहेत ते आठवून स्वतःत उमेद निर्माण करणं महत्त्वाचं ठरतं. कोणतंही टोकाचं पाऊल उचलण्याआधी एकदा ‘मागे वळून’ पाहणं खूप महत्त्वाचं. आणि या सगळ्या तणावात तज्ञांचं मत घेणं कधीही उपयुक्त ठरतं.राजस्थानमधील डीडवाना-कुचामन आणि चूरू जिल्ह्यात एक दुःखद घटना घडली आहे. एका 26 वर्षीय तरुणाने मानसिक तणावामुळे ट्रेनसमोर उडी मारून आत्महत्या केली. हेतराम मेघवाल असे या तरुणाचे नाव आहे. तो स्पर्धा परीक्षांची तयारी करत होता. नोकरी न मिळाल्याने आणि जबाबदाऱ्यांच्या ओझ्यामुळे तो तणावात होता. त्याने सुसाइड नोटमध्ये आपल्या भावना व्यक्त केल्या आहेत.हेतराम मेघवाल चूरू जिल्ह्यातील सुजानगडचा रहिवासी होता. लाडनूंजवळ खानपूर फाटक येथे ही घटना घडली. त्याने मेड़ता-रतनगढ़ डेमू ट्रेनसमोर आत्महत्या केली. त्याच्या खिशात एक सुसाइड नोट सापडली. त्यात त्याने लिहिले, “मम्मी-पापा मला माफ करा, मला आता या जगात राहायचे नाही. काही कारण नाही, फक्त मी स्वतःला कंटाळलो आहे… श्रीदेवी (बदललेले नाव) चे लग्न दुसरीकडे करून द्या”. त्याने पुढे लिहिले, “2000 रुपये देवकी भाईला द्या, 1000 मनीष महरियाला आणि मोबाईल श्रीनाथला द्या. मला जाण्याचे दुःख आहे पण आता डिप्रेशन खूप वाढले आहे. आता कोणताही मार्ग नाही. सगळे खुश राहा. लव्ह यू ऑल.”हेतरामचे 3 वर्षांपूर्वी लग्न झाले होते. त्याला 2 महिन्यांची मुलगी आहे. तो BSC झाल्यानंतर बँकिंग आणि सरकारी नोकरीसाठी परीक्षा देत होता. त्याचे मोठे भाऊ देवकीनंदन यांनी सांगितले की, तो काही दिवसांपासून मानसिक तणावात होता. RPF चे एएसआय रविंद्र सिंह यांनी सांगितले की, ट्रेन चालकाने त्यांना या घटनेची माहिती दिली. पोलिसांनी लाडनूं रुग्णालयात शवविच्छेदन करून मृतदेह कुटुंबीयांना सोपवला.