भाजपकडून निलंबन, मुंबईत माजी मंत्र्याचा शिवसेना प्रवेश, महापालिकेच्या तोंडावर मोठा उलटफेर.

सोमवारी सायंकाळी मुंबई येथे उपमुख्यमंत्री एकनाथ शिंदे यांच्या उपस्थितीमध्ये जगदीश गुप्ता यांनी शिवसेनेत प्रवेश घेतलाभाजपमधून निलंबित माजी मंत्री जगदीश गुप्ता यांनी मंगळवारी शिवसेनेत प्रवेश केला. उपमुख्यमंत्री एकनाथ शिंदे यांच्या प्रमुख उपस्थितीत हा पक्षप्रवेश सोहळा झाला. गुप्ता यांनी मागील वर्षी भाजपशी काडीमोड घेत अमरावती मतदारसंघातून अपक्ष विधानसभा निवडणूक लढविली होती.गुप्ता यांनी 1990 मध्ये भाजपच्या तिकिटावर अमरावती विधानसभेची निवडणूक लढविली होती. या निवडणुकीतील विजयानंतर त्यांना मंत्रिपद मिळाली. अमरावतीचे पालकमंत्री म्हणूनही संधी देण्यात आली होती. नंतरच्या निवडणुकीत काँग्रेसचे डॉ. सुनील देशमुख यांनी त्यांचा पराभव केला होता. परंतु गुप्ता यांनी विधानपरिषदेवर निवडणूक जात आमदारकी मिळविली.

स्थानिक स्वराज्य संस्था मतदारसंघातून ते 12 वर्षे आमदार राहिले. याच काळात त्यांना पक्षातून डावलण्यात आले होते. परंतु काही वर्षांपूर्वी त्यांना पुन्हा पक्षात घेण्यात आले. 2024 च्या विधानसभा निवडणुकीत पक्षातून तिकीट मिळण्याची अपेक्षा मावळल्यानंतर त्यांनी अमरावती विधानसभेत अपक्ष दंड थोपटले.राष्ट्रवादी काँग्रेसच्या सुलभा खोडके आणि काँग्रेसचे सुनील देशमुख यांच्याविरोधात निवडणूक लढविली होती. मात्र या निवडणुकीत त्यांचा पराभव झाला होता. यानंतर गुप्ता भाजपमध्ये परतण्याची शक्यता वर्तविली जात होती.परंतु सोमवारी सायंकाळी त्यांनी मुंबई येथे उपमुख्यमंत्री एकनाथ शिंदे यांच्या उपस्थितीमध्ये शिवसेनेत प्रवेश घेतला. त्यांच्यासोबत शेकडो समर्थकांनीही शिवसेनेत प्रवेश केला. आगामी महापालिका व विधानपरिषद निवडणुकीच्या निमित्ताने गुप्ता यांचा शिवसेना प्रवेश महत्वाचा मानला जात आहे.

दरम्यान, ‘भारत हा जगातील सर्वांत मोठी लोकशाही असलेला देश असून भारतीय राज्यघटना अद्वितीय आहे. भारतरत्न डॉ. बाबासाहेब आंबेडकर यांनी देशाला दिलेल्या सक्षम राज्यघटनेमुळे देशातील कोणतीही व्यक्ती सर्वोच्च पदावर पोहोचू शकते. ही आपल्या राज्यघटनेची ताकद आहे,’ असे प्रतिपादन सरन्यायाधीश भूषण गवई यांनी मंगळवारी येथे केले.राज्य विधिमंडळातर्फे सरन्यायाधीश गवई यांचा विधिमंडळाच्या मध्यवर्ती सभागृहात मंगळवारी सन्मान करण्यात आला. यावेळी गवई यांनी भारताची राज्यघटना या विषयावर विचारही मांडले. यावेळी मुख्यमंत्री देवेंद्र फडणवीस, विधान परिषदेचे सभापती प्रा. राम शिंदे, विधानसभेचे अध्यक्ष ॲड. राहुल नार्वेकर, उपमुख्यमंत्री एकनाथ शिंदे, उपमुख्यमंत्री अजित पवार, केंद्रीय सामाजिक न्याय राज्यमंत्री रामदास आठवले, उपसभापती डॉ. नीलम गोऱ्हे, उपाध्यक्ष अण्णासाहेब बनसोडे, विधान परिषदेचे विरोधी पक्षनेते अंबादास दानवे आदी नेते उपस्थित होते.