कोंढवा केसला धक्कादायक वळण, महिला प्रोफेसरच्या मार्गदर्शनाने तरुणीची मित्राविरुद्ध तक्रार?

 एका 22 वर्षीय तरुणीने तक्रार केली होती की, एका अनोळखी डिलिव्हरी एजंटने तिच्या पुण्यातील 11 व्या मजल्यावरील घरात प्रवेश केला. त्याने काहीतरी केमिकल स्प्रे केले, ज्यामुळे ती बेशुद्ध झाली आणि तिच्यावर बलात्कार केला.कोंढव्यातील तरुणीने घरात घुसून लैंगिक अत्याचार झाल्याची खोटी तक्रार दिल्यामुळे पुणे शहरात कायदा आणि सुव्यवस्थेची स्थिती बिघडली आहे, असा चुकीचा संदेश पसरवला जात आहे, असे पोलीस आयुक्त अमितेश कुमार यांनी सांगितले. अमितेश कुमार यांनी रविवारी सिंहगड रोड पोलीस स्टेशन अंतर्गत एका नवीन पोलीस चौकीच्या उद्घाटनाच्या कार्यक्रमात हे वक्तव्य केले. खोटी तक्रार दाखल करण्यापूर्वी तिने आपल्या प्राध्यापिकेकडून मार्गदर्शन घेतल्याचा संशय आहे.एका 22 वर्षीय तरुणीने तक्रार केली होती की, एका अनोळखी डिलिव्हरी एजंटने तिच्या पुण्यातील 11 व्या मजल्यावरील घरात प्रवेश केला. त्याने काहीतरी केमिकल स्प्रे केले, ज्यामुळे ती बेशुद्ध झाली आणि तिच्यावर बलात्कार केला. तसेच, त्या व्यक्तीने तिच्या मोबाईल फोनने सेल्फी काढला आणि ‘मी परत येईन’ असा धमकीचा संदेश टाईप केला, असेही तिने तक्रारीत म्हटले होते. ही तक्रार पूर्णपणे खोटी असल्याचे पोलिसांनी 24 तासांत उघड केले.

महिलेने पोलिसांपासून माहिती लपवून ठेवली, असेही कुमार यांनी सांगितले.अमितेश कुमार म्हणाले, “या प्रकरणात महिलेची संमती होती, हे आम्ही सिद्ध केले आहे. महिलेने तिच्या एका मित्राला घरी बोलावले होते. सेल्फी तिच्या संमतीने काढण्यात आला, जो तिने नंतर एडिट केला. महिलेने पोलिसांना सांगितले की, एक अनोळखी कुरिअर डिलिव्हरी करणारा माणूस घरात आला, जे खरे नाही. दुसरे म्हणजे, तिने सांगितले की, घरात जबरदस्तीने प्रवेश करण्यात आला आणि तिच्यावर बलात्कार करण्यापूर्वी स्प्रे वापरण्यात आला, हे देखील खोटे ठरले. तपासामध्ये असे दिसून आले आहे की, दोघांमध्ये काही वाद झाले होते, त्यानंतर महिलेने खोटी तक्रार दाखल केली.”पोलिसांनी सांगितले की, महिलेने तक्रारीत वारंवार बदल केले. त्यामुळे न्यायदंडाधिकाऱ्यांसमोर तिचा जबाब नोंदवण्यात आला. तसेच, तिला आणि तिच्या मित्राला समोरासमोर बसवून चौकशी करण्यात आली.

तिला समुपदेशनासाठी पाठवण्यात आले आहे. या घटनेमुळे पुणे शहरात कायदा आणि सुव्यवस्था बिघडली आहे, असा चुकीचा संदेश पसरवला जात आहे, असे कुमार म्हणाले.उपायुक्त  राजकुमार शिंदे म्हणाले, “आम्हाला ससून जनरल हॉस्पिटलमधून वैद्यकीय अहवाल मिळाला आहे. पण ते निर्णायक नाहीत.”
ही महिला डेटा सायन्स विषयात बीई पदवीधर आहे. कल्याणीनग मधील एका आयटी कंपनीत काम करते. तिच्या तक्रारीमुळे देशभरात खळबळ उडाली होती.शिंदे म्हणाले, “प्राध्यापिका तक्रारदार महिलेची मैत्रीण आणि मार्गदर्शक आहे. तक्रार दाखल करण्यापूर्वी तिने प्राध्यापिकेकडून मार्गदर्शन घेतले होते. तक्रार कशी दाखल करावी आणि तपास अधिकाऱ्यांशी कसे बोलावे, याबद्दल तिने प्राध्यापिकेकडून माहिती घेतली होती. जर गरज पडली, तर आम्ही प्राध्यापिकेला पुन्हा चौकशीसाठी बोलावू. आम्ही या प्रकरणाच्या तपासाचा भाग म्हणून महिला प्राध्यापकांचा जबाब नोंदवला आहे,” असेही शिंदे म्हणाले.