दिशा सालियान प्रकरणात नितेश राणेंचा दावा, आदित्य ठाकरेंवर निशाणा साधत म्हणाले, रेकॉर्ड करुन…

दिशा सालियान प्रकरणात आदित्य ठाकरे यांना उच्च न्यायालयाने दिलासा दिला आहे. पोलिसांनी न्यायालयात सांगितले की, या प्रकरणात लैंगिक शोषण किंवा शारीरिक हल्ल्याचा कोणताही पुरावा नाही. हे प्रकरण आत्महत्या असल्याचे दिसते. मात्र, नितेश राणे यांनी या प्रकरणावर प्रश्नचिन्ह उपस्थित केले. दिशा सालियान प्रकरणात आदित्य ठाकरे यांना मोठा दिलासा मिळाला आहे. पोलिसांनी उच्च न्यायालयात सांगितले की, या प्रकरणात लैंगिक शोषण किंवा शारीरिक हल्ल्याचा कोणताही पुरावा नाही आणि ही आत्महत्या असल्याचे दिसते. पोलिसांनी दिलेल्या माहितीनुसार, दिशा सालियान अभिनेता सुशांत सिंह राजपूतची माजी मॅनेजर होती, तिची 8 जून 2020 रोजी मुंबईतील मालाड भागात एका इमारतीच्या 14 व्या मजल्यावरून पडून मृत्यू झाला. या प्रकरणी तिच्या वडिलांनी नव्याने तपास करण्याची मागणी केली होती.

यासोबत या प्रकरणात सातत्याने आदित्य ठाकरे यांच्यावर आरोप केली जात आहेत.दिशा सालियान प्रकरणात आदित्य ठाकरे यांना क्लीन चिट मिळाली आहे. शवविच्छेदन अहवालात मृत्यूचे कारण डोक्याला गंभीर दुखापत असल्याचे नमूद केले. आहे. या प्रकरणी बोलताना मंत्री नितेश राणे यांनी म्हटले की, हा विषय फक्त एकट्या नितेश राणे पुरता मर्यादित नाही तर दिशा सालियानच्या वडिलांनीही आरोप केली आहेत. हे प्रकरण कोर्टात सुरू आहे. त्याबद्दल किती भाष्य करू शकतो, याबद्दल प्रश्नचिन्ह आहे. हा विषय नितेश राणे किंवा राजकिय विषय नाहीये.दिशा सालियानचे वडिल ज्यांनी स्वत:ची मुलगी गमावली आहे, ते राजकिय आरोप करत आहेत का? ते कोणाचे नाव मुद्दाम घेणार आहेत का? त्यांनी कोर्टात जी याचिका दाखल केलीये, त्यामध्ये त्यांनी आदित्य ठाकरेंचे नाव घेतले आहे. पिच्चर अभी बाकी है…पुढच्या तारखेला या प्रकरणात काय होते हे आपण बघू..राज्य सरकार आणि आताचे पोलीस त्यांना जे दिसले, ते आव्हाल त्यांनी दिला. ज्यावेळी एसआयटी गठीत झाली, त्यावेळी दिशा सालियान प्रकरणात त्यातील एक आरोपी साथीदार आहे आणि त्याला बदलण्यात यावे म्हणून पत्र दिलेले.या प्रकरणात माननीय कोर्ट निर्णय देईल. या प्रकरणात 16 तारखेला काय होते हे पाहूयात. नितेश राणे पुढे म्हणाले की, कोर्टात आदित्य ठाकरेंनी जे प्रतिज्ञापत्र दिले आहे, त्यामध्ये त्यांनी मी स्वत: आमदार असल्याचे लपवले आहे. आता उत्तर देण्यापेक्षा आगे, आगे देखो होता हैं क्या, तुम्हाला सांगून ठेवलेली उत्तर रेकॉर्ड करुन ठेवा. नंतर एकत्र वाजवायला मिळतील, असेही राणेंनी म्हटले. मुंबई पोलिसांनी दिशा सालियानच्या मृत्यूला सुरुवातीला आत्महत्या म्हटले होते आणि मार्च 2021 मध्ये पोलिसांनी अंतिम अहवालात याला अपघात म्हटले होते. दिशाचे वडील सतीश सालियान यांनी 2025 मध्ये बॉम्बे उच्च न्यायालयात याचिका दाखल करून या प्रकरणाची नव्याने चौकशी करण्याची आणि शिवसेना (उबाठा गट) नेते आदित्य ठाकरे यांच्या विरोधात एफआयआर दाखल करण्याची मागणी केली होती.