जन्मदात्या आई-बापानेच घोटला लेकाचा गळा, जावयानेही केली मदत, धक्कादायक कारण समोर.

सकाळी अकरा वाजता विशालने पत्नी पूजा हिला सवयीप्रमाणे नोकरीसाठी खासगी कंपनीत सोडले. पत्नी कंपनीत असताना दुपारी बारा वाजेच्या सुमारास विशाल दारू पिऊन घरी आलाहृदयविकाराच्या झटक्याने तरुणाचा मृत्यू झाल्याचा दावा आईवडिलांनी केला होता. मात्र, शवविच्छेदनात खुनाचे बिंग फुटले. याप्रकरणी गंगापूर पोलिसांनी मृताच्या आईवडिलांसह दाजीविरुद्ध गुन्हा नोंदवला. विशाल गोकुळ पाटील (वय ३८) असे मृत तरुणाचे नाव आहे.विशालची पत्नी पूजा (३४) हिने गंगापूर पोलिसांत संशयित सासरा गोकुळ पाटील, सासू शशिकला व जावई उमेश काळे यांच्याविरुद्ध फिर्याद दिली. पोलिसांनी दिलेल्या माहितीनुसार, पाच वर्षांपासून गणपती गार्डनजवळील परिसरात पाटील कुटुंब वास्तव्यास असून त्यांना मुलगा, सून, मुलगी, जावई व नातवंडे आहेत. त्यांचा मुलगा विशाल काही वर्षांपासून अति मद्यसेवन करीत होता.

कोणत्याही कारणातून तो आईवडिलांसह पत्नीला मारहाण करून परिसरात गोंधळ घालायचा. या प्रकरणाला त्रासलेल्या आईवडिलांनी जावयाच्या मदतीने त्याची हत्या केली.बेरोजगार तरुणाच्या सततच्या व्यसनाला आणि मारहाणीला त्रासलेल्या आईवडिलांनी जावयाच्या मदतीने पोटच्या मुलाची गळा आवळून हत्या केल्याची घटना गंगापूर पोलिस ठाण्याच्या हद्दीतील शिवाजीनगर भागात घडली. सकाळी अकरा वाजता विशालने पत्नी पूजा हिला सवयीप्रमाणे नोकरीसाठी खासगी कंपनीत सोडले. पत्नी कंपनीत असताना दुपारी बारा वाजेच्या सुमारास विशाल दारू पिऊन घरी आला. त्याने आईवडिलांशी वाद घालत मारहाण केली. त्या वादात दाजी उमेश याने मध्यस्थी केल्यानंतर तिघांमध्ये वाद वाढले.

तिघांनी रागाच्या भरात ओढणीने विशालचा गळा आवळून खून केला. याप्रकरणी वरिष्ठ पोलिस निरीक्षक जग्वेंद्रसिंग राजपूत याच्या सूचनेने सहायक निरीक्षक शांताराम महाजन तपास करीत आहेत.पोलिसांच्या माहितीनुसार, खून केल्यावर तिघांनी एक बनाव रचला. त्यानुसार, तिघांनी आहे, त्या स्थितीत विशालला हृदयविकाराचा झटका आल्याचे कारण सांगून उपचारार्थ जिल्हा रुग्णालयात दाखल केले. मात्र, डॉक्टरांनी तपासून तत्काळ मृत घोषित केले. यानंतर, मृतदेहाचे शवविच्छेदन करण्यात आले. त्यात अनेक गंभीर बाबी समोर आल्या. त्यात विशालचा गळा आवळून व उशीने तोंड दाबून श्वास कोंडून हत्या केल्याचा अहवाल शवविच्छेदन करणाऱ्या डॉक्टरांनी पोलिसांना दिला. त्यानुसार या हत्येचा उलगडा झाला.