त्यांनी मला फोन केला आणि…पृथ्वीचं सचिन तेंडुलकरांबद्दल मोठं विधान; असं काय म्हणाला?

स्टार क्रिकेटपटू पृथ्वी शॉ बऱ्याच काळापासून संघाबाहेर आहे. 2018 मध्ये भारतासाठी पदार्पण करताना, त्याने त्याच्या पहिल्याच कसोटी सामन्यात शतक झळकावून प्रसिद्धी मिळवली होती, परंतु तीन वर्षांतच तो संघाबाहेर गेला.स्टार क्रिकेटपटू पृथ्वी शॉ बऱ्याच काळापासून संघाबाहेर आहे. 2018 मध्ये भारतासाठी पदार्पण करताना, त्याने त्याच्या पहिल्याच कसोटी सामन्यात शतक झळकावून प्रसिद्धी मिळवली होती, परंतु तीन वर्षांतच तो संघाबाहेर गेला. कमी वयात मिळालेलं यश त्याला जास्त काळ टिकवताना आले नाही. सध्या पृथ्वीला एकामागोमाग एक मोठ्या समस्यांना सामोरे जावे लागले. आता पृथ्वीने एक मोठा खुलासा केला आहे.

2021 नंतर,पृथ्वी मुंबई क्रिकेट संघाबाहेर होता. 2025च्या आयपीएलमध्येही कोणत्याही फ्रँचायझीने त्याला खरेदी करण्यात रस दाखवला नाही. 25 वर्षीय क्रिकेटपटूने त्याच्या संघर्षाच्या दिवसांबद्दल उघडपणे सांगितले की, जेव्हा तो त्याच्या कारकिर्दीच्या वाईट काळातून जात होता तेव्हा फक्त ऋषभ पंत आणि सचिन तेंडुलकरने त्याला फोन केला होता. त्यांच्याशिवाय या कठीण काळात कोणत्याही मोठ्या क्रिकेटपटूने त्याची आठवण काढली नाही.”पृथ्वी पुढे म्हणाला की, “सचिन तेंडुलकरांना माझ्या संघर्षाची जाणीव आहे, कारण त्यांनी सुरुवातीपासूनच मला अर्जुन तेंडुलकरसोबत पाहिले आहे. मी त्यांच्या घरीही गेलो आहे. मी हे देखील कबूल करतो की अनेक चुकीचे निर्णय घेतले आणि क्रिकेटला कमी वेळ देऊ लागलो. मी आयुष्यात अनेक चुकीचे निर्णय घेतले आहेत. मी क्रिकेटला कमी वेळ देऊ लागलो. मी पूर्वी खूप सराव करायचो. मी नेटमध्ये ३-४ तास फलंदाजी करायचो. मला थकवा जाणवत नव्हता. मी अर्धा दिवस मैदानावर घालवायचो, पण हळूहळू माझे लक्ष विचलित होऊ लागले.”मुलाखतीदरम्यान शॉ पुढे म्हणाला, “जेव्हा माझी भारतीय संघात निवड झाली तेव्हा मी माझ्या कारकिर्दीच्या शिखरावर होतो. जेव्हा तुम्ही अव्वल स्थानावर असता तेव्हा तुम्ही खूप लवकर मित्र बनवू लागता. तेच मित्र नंतर मला इकडे तिकडे घेऊन जायचे. मी काही खूप चुकीचे मित्र बनवले होते. त्यानंतर, या सर्व गोष्टींमुळे मी मार्गावरून चुकलो. मी पूर्वी दिवसाला 8 तास सराव करायचो पण हळूहळू तो सराव फक्त 4 तासांवर आला, ज्यामुळे त्याच्या खेळावर परिणाम होऊ लागला.