मुंबईत रात्रभर पाऊसजोर, ठाण्यालाही झोडपले; वाहतूक खोळंबली, लोकलविलंबामुळे चाकरमान्यांची तारांबळ.

राज्यात मान्सूनने विश्रांतीनंतर पुनरागमन केले आहे. मुंबईत गेल्या दोन दिवसांपासून पावसाची रिमझिम सुरु आहे, परंतु रात्रीपासून पावसाने मुंबईला झोडपले आहे. शहरासह पश्मिम आणि पूर्व उपनगरांत पावसाने जोरदार हजेरी लावली आहे.राज्यात मान्सूनने विश्रांतीनंतर पुनरागमन केले आहे. मुंबईत गेल्या दोन दिवसांपासून पावसाची रिमझिम सुरु आहे, परंतु रात्रीपासून पावसाने मुंबईला झोडपले आहे. शहरासह पश्मिम आणि पूर्व उपनगरांत पावसाने जोरदार हजेरी लावली. त्यामुळे काही भागांत पाणी साचले आहे. रस्ते जलमय झाले आहेत. यामुळे रस्ते वाहतुकीसोबतच लोकलसेवेवर देखील परिणाम झाला आहे. त्यामुळे सकाळच्या सुमारास कामाला निघालेल्या लोकांची तारांबळ उडाली आहे.

मुंबईसह लगतच्या ठाणे शहरातही पावसाने दमदार हजेरी लावली आहे. जागोजागी पाणी साचले असून वाहनचालकांची तसेच चाकरमान्यांची तारांबळ उडाली. भिवंडी शहर आणि ग्रामीण भागात रात्रीपासून संततधार सुरु आहे. त्यामुळे रस्त्यांना जलाशयाचे स्वरुप आले आहे. लोकल विलंबामुळे सकाळी मुंबईकडे कार्यालयात निघालेल्या लोकांना अडचणींचा सामना करावा लागला आहे.मुंबई मध्ये गेल्या २४ तासांत लक्षणीय पावसांची नोंद झाली आहे. शहरात ५४.६७ मिमी पावसाची नोंद झाली. तर पूर्व भागात ५६.१८ मिमी पावसाची नोंद झाली. तर पश्चिम मुंबईत ४०.०२ मिनी पाऊस पडला आहे.

तर पुढील दोन दिवस पावसाची स्थिती कायम राहण्याची शक्यता आहे. शहरासह उपनगरांत तसेच ठाण्याकही मुसळधार पाऊस बरसण्याची शक्यता आहे. तर मुंबईतील किनारपट्टीवर हाय टाईडचा इशाराही देण्यात आला आहे. सकाळी ११.१५ वाजताच्या सुमारास समुद्रात ४.५९ मीटरच्या उंच लाटा उसळण्याची शक्यता आहे. तर रात्री १०.५९ वाजता सुद्धा उंच लाटा येण्याची शक्यता वर्तवण्यात आली आहे. त्यामुळे किनारपट्टी भागात नागरिकांनी जाऊ नये, असे आवाहन कऱण्यात आले आहे.