Rajendra Nikam
रामचंद्र साहेबराव पारधी, वय 40 वर्ष, आणि आंबोली (ता. जुन्नर) येथील महाविद्यालयीन युवती रुपाली संतोष खुटाण अशी मृत झालेल्या दोघांची नावे आहेत. जुन्नर तालुक्यातील आदिवासी भागात दुर्गावाडी येथील कोकणकडा परिसरातील सुमारे 1200 फूट खोल दरीत तरुण आणि तरुणी अशा दोघा जणांचे मृतदेह आढळले आहेत. या घटनेने पुण्यात एकच खळबळ उडाली आहे. दोघांनी आत्महत्या केल्याचे प्राथमिक तपासात समोर येत आहे. मयतामध्ये श्रीगोंद्याचे तलाठी आणि महाविद्यालयीन तरुणीचा समावेश आहे.
रामचंद्र साहेबराव पारधी, वय 40 वर्ष, आणि आंबोली (ता. जुन्नर) येथील महाविद्यालयीन युवती रुपाली संतोष खुटाण अशी मृत झालेल्या दोघांची नावे आहेत. याबाबत जुन्नर पोलिस निरीक्षक किरण अवचर यांनी ही माहिती दिली आहे. जुन्नर पोलिस आणि रेस्क्यू टीमने कठीण परिस्थितीत मृतदेह दरीतून बाहेर काढले.याबाबत पोलिसांकडून मिळालेली माहिती अशी की, रामचंद्र पारधी हे मूळ दुर्गावाडीचे असून, अहिल्यानगर जिल्ह्यातील श्रीगोंदा तालुक्यात तलाठी म्हणून कार्यरत होते. मात्र गेल्या काही दिवसांपासून बेपत्ता होते, याबाबत त्यांच्या पत्नीने अहिल्यानगरच्या तोफखाना पोलिस ठाण्यात तक्रार देखील नोंदवली होती. याशिवाय रूपाली देखील काही दिवसांपासून बेपत्ता होती. तिच्या अपहरणाचा गुन्हा जुन्नर पोलिस ठाण्यात दाखल होता.स्थानिक ग्रामस्थांना जुन्नरच्या रिव्हर्स वॉटर फॉलजवळ पांढऱ्या रंगाची कार काही दिवसांपासून उभी असल्याचे दिसले. यानंतर शोध घेतला असता, कड्याच्या टोकावर पुरुष आणि स्त्रीच्या चपला आढळल्या. रविवार दिनांक 22 जून रोजी दाट धुके, पाऊस आणि अंधारामुळे शोधकार्य थांबले. सोमवारी 23 तारखेला सकाळी रेस्क्यू टीमने दरीत उतरून शोध घेतला, तेव्हा रूपाली आणि रामचंद्र यांचे मृतदेह आढळले. त्यानंतर त्यांचे मृतदेह बाहेर काढण्यात आले.जुन्नर रेस्क्यू टीमचे रूपेश जगताप, राजकुमार चव्हाण, आणि पोलिस कर्मचारी रघुनाथ शिंदे, गणेश शिंदे, दादा पावडे यांनी मृतदेह बाहेर काढून शवविच्छेदनासाठी श्री शिवछत्रपती ग्रामीण रुग्णालयात पाठवले. पोलिस या प्रकरणाचा तपास करत आहेत. या प्रकरणाचा अधिक तपास जुन्नर पोलिस करत आहेत.
