थोरगव्हाण येथे डी .एस. देशमुख विद्यालयात विद्यार्थ्यांची आरोग्य तपासणी — डॉ. प्रशांत पाटील यांचे मार्गदर्शन

डी.एस. देशमुख माध्यमिक व उच्च माध्यमिक विद्यालय, थोरगव्हाण येथे आज दिनांक २३ जून रोजी विद्यार्थ्यांसाठी मोफत आरोग्य तपासणी शिबिर आयोजित करण्यात आले. मुख्याध्यापक श्री. डी. के. पाटील यांच्या अनुमतीने व पुढाकाराने हे शिबिर यशस्वीपणे पार पडले.

या शिबिरात डॉ. प्रशांत पाटील (वैद्यकीय अधिकारी) यांनी इयत्ता 5वी ते 10 वी सर्व विद्यार्थ्यांची वैयक्तिक आरोग्य तपासणी केली. त्यांच्यासोबत ए.एन.एम. श्रीमती राहिणी ढाके व फार्मासिस्ट श्री. जगदीश महाजन यांनी विद्यार्थ्यांना आवश्यक त्या औषधांचे वितरण केले.शिबिराच्या प्रारंभी मुख्याध्यापक श्री. डी. के. पाटील यांनी आरोग्य पथकाचे स्वागत करून त्यांच्या सेवाभावी कार्याबद्दल आभार व्यक्त केले. विद्यार्थ्यांमध्ये आरोग्याविषयी जागरूकता वाढावी, यासाठी शाळेने या उपक्रमाचे आयोजन केले होते.डॉ. प्रशांत पाटील यांनी आपल्या मनोगतातून विद्यार्थ्यांनी सकस आहार, स्वच्छता आणि नियमित व्यायामाचे महत्त्व पटवून दिले. लवकर निदान आणि योग्य उपचारामुळे अनेक आजारांपासून दूर राहता येते, पाणी ऊकळून प्या तसेच साचलेले पाणी रिकामे करा . डासांची उत्पत्ती होवू देवू नका आठवड्यातून एक कोरडा दिवस पाळा या बाबत मार्गदर्शन त्यांनी उपस्थित विद्यार्थ्यांना दिले.विद्यार्थ्यांनी शिबिरात उत्साहाने सहभाग घेतला. पालक वर्गानेही या उपक्रमाचे कौतुक केले. जेष्ठ शिक्षक टी पी घुले यांचे सह सर्व शिक्षक विद्यार्थी मोठ्या संख्येने उपस्थित होते .