हाऊसकीपिंग कामावरुन काढल्याचा राग, पुण्यात तरुणाचा सुरक्षारक्षकावर हल्ला, वीट उचलली अन्…

आरोपी राम लोंढे शांतीबन सोसायटीमध्ये घुसण्याचा प्रयत्न करत असताना सुरक्षा रक्षक सुदाम कामिठे यांनी सोसायटीमध्ये कसा घुसतो, अशी विचारणा केली.पुणे जिल्ह्यातील उद्योग नगरीत चक्क सुरक्षा रक्षकावरच चाकू हल्ला झाल्याचा धक्कादायक प्रकार समोर आला आहे. सुदाम कामिठे असं हल्ला झालेल्या सुरक्षा रक्षकाचं नाव आहे, तर राम लोंढे असं हल्लेखोर आरोपीचं नाव आहे. चिंचवड गावातील शांतीबन सोसायटीमध्ये ही घटना घडली आहे.पीडित सुरक्षा रक्षक सुदाम कामिठे हे पिंपरी चिंचवड शहरातील चिंचवड गावात शांतीबन सोसायटीच्या गेटवर सुरक्षा रक्षक म्हणून काम करतात. आरोपी राम लोंढे हा शांतीबन सोसायटीमध्ये घुसण्याचा प्रयत्न करत होता. त्या वेळेस सुरक्षा रक्षक असणाऱ्या सुदाम कामिठे यांनी सोसायटीमध्ये कसा घुसतो, अशी विचारणा केली.त्यानंतर काही काळ आरोपी राम लोंढे याने सुदाम कामिठे यांच्यासोबत यांच्यासोबत गप्पा मारल्या. काही वेळ गप्पा मारल्यानंतर राम लोंढे याने अचानक चाकू काढत कामिठे यांच्यावर हल्ला चढवला. त्यानंतर स्वतःचा बचाव करण्यासाठी कामिठे यांनी शेजारी असलेल्या टेबलवरील वीट उचलली.

मात्र तरी देखील राम लोंढे याने हल्ला सुरूच ठेवला.सुदाम कामिठे यांच्या हातात असणारी वीट हिसकावून घेत तीच वीट त्यांच्या डोक्यावर मारुन त्यांना जीवे मारण्याचा प्रयत्न केला. ही संपूर्ण घटना सीसीटीव्ही कॅमेरामध्ये कैद झाली आहे.आरोपी राम लोंढे हा याच शांतिबन सोसायटीमध्ये काही दिवसांपूर्वी हाऊसकीपिंगचे काम करत होता. मात्र तो व्यसनधीन असल्याने त्याला कामावरून काढून टाकण्यात आलं होतं. याचाच राग डोक्यात असल्याने त्याने हा हल्ला केला असल्याचा प्राथमिक अंदाज पोलिसांनी वर्तविला आहे.ही घटना घडल्यानंतर काही तासातच आरोपीला पोलिसांनी बेड्या ठोकल्या असून पुढील तपास सुरू आहेदुसरीकडे,

सरपंचावर दाखल केलेल्या अविश्वास प्रस्तावाच्या बैठकीस जात असताना रस्त्यावर दगड टाकून सदस्यांच्या गाडीवर जमावाने हल्ला करून सदस्यांना मारहाण करीत डांबून ठेवल्याची घटना घडली. त्यानंतर गाडीची तोडफोड करीत काही सदस्यांना ठार मारण्याची धमकी दिल्याची घटना अक्कलकुवा तालुक्यातील सल्लीबार येथे घडली. या प्रकरणी 17 जणांविरुद्ध गुन्हा दाखल करण्यात आला आहे.सल्लीबार येथील सरपंचाविरुद्ध सदस्यांनी तहसीलदारांकडे अविश्वास ठरावाचा प्रस्ताव दिला होता. त्यावर निर्णय घेण्यासाठी बैठकीचे आयोजन करण्यात आले होते. त्यासाठी प्रस्ताव दाखल करणारे सदस्य जीपने (क्र. एमएच 15 एएस 5893) जात असताना सरपंच गटातील जमावाने दगडफेक करीत गाडीची तोडफोड केली.