अॅल्युमिनियम तार चोरी प्रकरणाचा छडा : आठ लाखांचा मुद्देमाल जप्त, दोघांना अटक.

रावेर पोलिसांनी येथील सोलर प्रोजेक्टच्या चोरीचा पर्दाफाश करत चार लाख रुपयांच्या अॅल्यूमिनीयमच्या तारासह आठ लाख रूपयांचा मुद्देमाल हस्तगत करून याप्रकरणी दोन जणांना अटक करण्यात आली आहे.सविस्तर वृत्त असे कि, येथील गट नंबर १७८३ मध्ये सोलर प्रोजेक्टरचे काम सुरू आहे. यासाठी भरत कमलाकर महाजन (रा. रावेर) यांनी प्रोजेक्टसाठी आणलेल्या १०० स्क्वेअर एमएम कंडक्टरच्या सुमारे चार लाख रुपये किंमतीच्या सहा अॅल्यूमिनीयम तारांचे बंडल चोरीला गेल्याची तक्रार (ता. ८) रावेर पोलीस ठाण्यात दिली होती.

पोलीस निरीक्षक डॉ. विशाल जयस्वाल यांच्या मार्गदर्शनाखाली सहाय्यक पोलिस निरीक्षक मीरा देशमुख यांच्या पथकाने गुप्त माहिती, सीसीटीव्ही फुटेज व तांत्रिक विश्लेषणाचा आधार घेत पोलिसांनी या चोरीचा छडा लावला. मुदस्सर शेख बदरुज्जमा शेख (३६, रा. जुनेगाव चाळीत मोहल्ला, मुक्ताईनगर), सय्यद आकीब सय्यद हुसेन (२२, रा. इदगाहनगर, मुक्ताईनगर) यांना ताब्यात घेऊ प्राथमिक तपासात या दोघांनी गुन्ह्याची कबुली दिली.