यांच्यापेक्षा कुत्रं बरं! कर्जबाजारी चालकाने मालकाचा घात केला, साथीदाराला तयार केला अन् हेल्मेट घालून घरात शिरला, काय घडलं?

12 जून रोजी राजीव पाटील नेहमीप्रमाणे आपल्या नातेवाईकांसोबत कामावर गेले. घरात त्यांचे सासरे एकटेच होते. दुपारी 4:15 च्या सुमारास प्रकाश चौगुले आणि अमित शिंदे हेल्मेट घालून दुचाकीवरून आले. त्यांनी घराबाहेर ठेवलेल्या चावीने मुख्य दरवाजा उघडला आणि ते घरात शिरले.कोल्हापुरात एक धक्कादायक घटना उघडकीस आली आहे. एका कर्जबाजारी चालकाने आपल्या साथीदारासोबत मिळून मालकाच्या घरात चोरी केली. त्यांनी तब्बल 440 ग्रॅम सोन्याचे दागिने आणि 75 हजार रुपये रोख रक्कम चोरली. या चोरीची एकूण किंमत 50 लाख 25 हजार रुपये आहे. पोलिसांनी दोघांनाही अटक केली आहे. स्थानिक गुन्हे अन्वेषण शाखेच्या पोलिसांनी (LCB) अवघ्या काही तासांत या गुन्ह्याचा उलगडा केला. प्रकाश चौगुले (वय 38, रा. हंचनाळ, ता. चिकोडी, जि. बेळगाव) आणि अमित शिंदे (वय 25, रा. यादव नगर) अशी आरोपींची नावे आहेत. पोलिसांनी त्यांना अटक केली आहे. अवघ्या 12 तासांच्या आत पोलिसांनी या गुन्ह्याचा तपास पूर्ण केला, असे अप्पर पोलीस अधीक्षक डॉ. बी. धीरजकुमार यांनी पत्रकार परिषदेत सांगितले.

राजीव पाटील हे कोल्हापुरातील सम्राट नगर येथील गोविंद सावंत हाऊसिंग सोसायटीत राहतात. ते एक उद्योजक आहेत. त्यांच्या घरी त्यांचे वयस्कर सासरे असतात. त्यामुळे ते त्यांना घरी ठेवून घराला कुलूप लावून कामावर जात असत. अमित शिंदे हा राजीव पाटील यांच्या गाडीवर चालक म्हणून काम करत होता. त्यामुळे त्याचे मालकाच्या घरी नेहमी येणे-जाणे असायचे. त्याला घराची पूर्ण माहिती होती. अमित शिंदे कर्जबाजारी झाला होता. त्यामुळे त्याने मालकाच्या घरात चोरी करण्याचा निर्णय घेतला. त्याने चिकोडी येथील त्याचा मित्र प्रकाश चौगुले याच्यासोबत चोरीचा कट रचला.12 जून रोजी राजीव पाटील नेहमीप्रमाणे आपल्या नातेवाईकांसोबत कामावर गेले. घरात त्यांचे सासरे एकटेच होते. दुपारी 4:15 च्या सुमारास प्रकाश चौगुले आणि अमित शिंदे हेल्मेट घालून दुचाकीवरून आले. त्यांनी घराबाहेर ठेवलेल्या चावीने मुख्य दरवाजा उघडला आणि ते घरात शिरले.

त्यांनी सासर्‍याला चाकूचा धाक दाखवला. त्यानंतर ते वरच्या मजल्यावर गेले. त्यांनी लॉकरच्या चाव्या घेतल्या आणि लॉकरमधील सोन्याचे दागिने आणि रोख रक्कम असलेले गोदरेज कंपनीचे तीन लॉकर चोरून नेले. त्यानंतर त्यांनी गोकुळ शिरगाव येथे एका पेट्रोल पंपावर दुचाकी सोडली. तिथून ते चारचाकी गाडी घेऊन पळून गेले. राजीव पाटील यांना या घटनेची माहिती मिळताच त्यांनी राजारामपुरी पोलीस ठाण्यात तक्रार दाखल केली. पोलिसांनी तातडीने तपास सुरू केला.ठाणे पुणे शाखेच्या पथकाने CCTV फुटेज तपासले आणि चौकशी केली. दोन्ही आरोपी गोकुळ शिरगाव येथील लक्ष्मी टेकडी येथे येणार असल्याची माहिती पोलिसांना मिळाली. पोलिसांनी सापळा रचून दोघांना एका चारचाकी गाडीसह पकडले. गाडीच्या डिक्कीमध्ये तीन लॉकर, दोन बॅगा, चाकू, दोन हेल्मेट आणि रेनकोट असे एकूण 50 लाख 25 हजार रुपयांचे साहित्य पोलिसांना सापडले. पोलिसांनी दोघांची कसून चौकशी केली. तेव्हा त्यांनी चोरी केल्याची कबुली दिली.