चुकीच्या बाजूने उतरणं जीवावर बेतलं! मुंबई सेंट्रल स्थानकात लोखंडी कुंपण मानेत घुसल्याने तरुणाचा मृत्यू.

 राजेश ढिला नावाचा २७ वर्षीय तरुण मुंबई सेंट्रल स्टेशनवर पश्चिम रेल्वे मार्गावर असलेल्या प्लॅटफॉर्म क्रमांक चारजवळ सकाळी पावणे दहाच्या सुमारास एका दुर्घटनेत मृत्युमुखी पडला. प्रत्यक्षदर्शींनी दिलेल्या माहितीनुसार, राजेशने ट्रेनमधून चुकीच्या बाजूला उडी मारली. या घटनेमुळे रेल्वे स्थानकात एकच खळबळ उडाली. घडलेल्या घटनेची माहिती मिळताच, स्टेशन प्रशासनाने तातडीने रुग्णवाहिका बोलावली.मुंबई सेंट्रल स्टेशनवर गुरुवारी सकाळी एका २७ वर्षीय प्रवाशाचा चुकीच्या बाजूला उतरण्याच्या प्रयत्नात मृत्यू झाला. राजेश ढिला असं या तरुणाचं नाव असून, प्लॅटफॉर्म क्रमांक चारजवळ सकाळी पावणे दहाच्या सुमारास ही दुर्घटना घडली. ट्रेनमधून प्लॅटफॉर्मऐवजी दुसऱ्या बाजूला उतरताना तो लोखंडी सळ्यांच्या बॅरिकेड्सवर अडकला आणि गंभीर जखमी झाला, ज्यामुळे त्याचा मृत्यू झाला.

राजेश ढिला नावाचा २७ वर्षीय तरुण मुंबई सेंट्रल स्टेशनवर पश्चिम रेल्वे मार्गावर असलेल्या प्लॅटफॉर्म क्रमांक चारजवळ सकाळी पावणे दहाच्या सुमारास एका दुर्घटनेत मृत्युमुखी पडला. प्रत्यक्षदर्शींनी दिलेल्या माहितीनुसार, राजेशने ट्रेनमधून चुकीच्या बाजूला उडी मारली. या घटनेमुळे रेल्वे स्थानकात एकच खळबळ उडाली. घडलेल्या घटनेची माहिती मिळताच, स्टेशन प्रशासनाने तातडीने रुग्णवाहिका बोलावली.सव्वा दहाच्या सुमारास रुग्णवाहिकेतून त्याला रुग्णालयात नेण्यात आले. मात्र, डॉक्टरांनी त्याला घटनास्थळीच मृत घोषित केले. राजेशचा मृतदेह शवविच्छेदनासाठी नायर रुग्णालयात पाठवण्यात आला आहे. शवविच्छेदनानंतर त्याचा मृतदेह कुटुंबियांकडे सोपवला जाईल, अशी माहिती प्रशासनाने दिली. या घटनेमुळे स्टेशन परिसरात काही काळ तणावाचे वातावरण निर्माण झाले होते.प्रवाशांनी रेल्वे प्रशासनाकडे अधिक सुरक्षा उपाययोजना करण्याची मागणी केली आहे. विशेषतः प्लॅटफॉर्मवर उतरताना प्रवाशांना योग्य मार्गदर्शन मिळावे, यासाठी सूचना फलक लावण्याची मागणी जोर धरू लागली आहे. या दुर्घटनेनंतर पश्चिम रेल्वेने प्रवाशांना अधिक सतर्क राहण्याचे आवाहन केले आहे. प्रवाशांनी प्लॅटफॉर्मवर उतरताना विशेष काळजी घ्यावी, आणि विरुद्ध दिशेला उतरु नये असे आवाहन रेल्वे प्रशासनाने केले आहे. जीआरपीने अपघाती मृत्यूची नोंद केली आहे. सूत्रांनी दिलेल्या माहितीनुसार, अधिकारी सध्या घटनेच्या सभोवतालच्या परिस्थितीची तपासणी करत आहेत, ज्यामध्ये प्रवाशाने प्लॅटफॉर्म नसलेल्या बाजूने बाहेर पडण्याचा प्रयत्न का केला याचाही समावेश आहे.दरम्यान, पश्चिम रेल्वेने प्रवाशांना नियमांचे पालन करण्याचे आणि चुकीच्या बाजूने किंवा चालत्या ट्रेनमधून न उतरण्याचे आवाहन केले आहे, कारण ते प्राणघातक ठरू शकते. प्रवाशांनी सर्व सुरक्षा नियमांचे पालन करणे अनिवार्य आहे.