Rajendra Nikam
नाशिकमधील देवळाली येथे रोकडोबावाडीत एका गरीब कुटुंबातील १० महिन्यांच्या रोशन तायडे नावाच्या बाळाचा दुर्दैवी मृत्यू झाला. खेळता खेळता पाण्याच्या बादलीत तो बुडाला. ही हृदयद्रावक घटना घडल्याने परिसरात शोककळा पसरली आहे. तायडे कुटुंबीयांवर दुःखाचा डोंगर कोसळला असून सर्वत्र हळहळ व्यक्त होत आहे.देवळाली: नाशिकच्या देवळाली गावाजवळ रोकडोबावाडी येथे राहणाऱ्या एका गरीब कुटुंबातील १० महिन्यांच्या बाळाचा दुर्दैवी मृत्यू झाला. रोशन तायडे नावाचे बाळ खेळता खेळता पाण्याच्या बादलीत बुडाले. ही घटना बुधवारी रात्री (दि. ४) घडली. यामुळे परिसरात शोक पसरला आहे.
संतोष तायडे हे त्यांच्या कुटुंबासोबत रोकडोबावाडीत एका लहान घरात राहतात. ते हमालीचे काम करून आपला उदरनिर्वाह करतात. बुधवारी रात्री ९ वाजता तायडे कुटुंबीय घरी होते. रोशन आणि त्याचा मोठा भाऊ रोहन मोबाईल बघत होते. खेळता खेळता रोशन मोरीकडे गेला. तिथे असलेल्या पाण्याच्या बादलीत डोकावताना तोल जाऊन तो पाण्यात पडला.अजय आणि संतोष तायडे यांच्या हे लक्षात येताच त्यांनी तातडीने रोशनला रुग्णालयात नेले. मात्र तिथे डॉक्टरांनी त्याला मृत घोषित केले. रोशनच्या पश्चात त्याचे आजोबा, आई, वडील आणि मोठा भाऊ आहेत. बाळाच्या मृत्यूच्या घटनेमुळे रोकडोबावाडी आणि देवळाली परिसरात हळहळ व्यक्त होत आहे.घडलेल्या घटनेबद्दल अधिक माहिती देताना पोलिसांनी सांगितले की, “रोशन खेळताना मोरीजवळ गेला आणि तेथे बादलीत असलेल्या पाण्यात डोकावताना पडला.”दरम्यान, रोशनची आई अनिता स्वयंपाक करत होती. काही सामान घेण्यासाठी त्या सासऱ्यांकडून पैसे घेऊन घराबाहेर पडत होत्या. चप्पल घेण्यासाठी मोरीजवळ जाताच त्यांना रोशन बादलीत पालथा पडलेला दिसला. मुलाला अशा अवस्थेत पाहून आईने टाहो फोडला. अनिता यांचा आक्रोश ऐकून सगळेजण धावत आले. त्यांनी बाळाला बादलीतून बाहेर काढले आणि रुग्णालयात नेले. पण तोपर्यंत उशीर झाला होता. या दुर्घटनेमुळे तायडे कुटुंबावर दुःखाचा डोंगर कोसळला आहे.
