योगेश कदमांचा ठाकरे गटाला धक्का, दापोलीत सत्तापालट, नगराध्यक्षपदी उमेदवाराची बिनविरोध निवड.

ऑपरेशन टायगर अंतर्गत शिवसेना नेते रामदास कदम व गृह राज्यमंत्री योगेश कदम यांनी उद्धव ठाकरे गटाला मोठा धक्का देत दापोलीतील सत्ता ताब्यात घेतली तसेच पक्षाच्या उमेदवाराची नगराध्यक्षपदीही बिनविरोध निवड झाली.मुख्यमंत्री एकनाथ शिंदे यांच्या शिवसेना कडून ऑपरेशन टायगर अंतर्गत शिवसेना नेते रामदास कदम व गृह राज्यमंत्री योगेश कदम यांनी उद्धव ठाकरे गटाला मोठा धक्का देत दापोली येथील पवार गट उद्धव ठाकरे गटाच्या नगरसेवकांना शिंदे गटात प्रवेश देत सत्तांतराचीच गणित मांडली होती. मात्र ठाकरे गटाच्या रणरागिणी असलेल्या मावळत्या नगराध्यक्ष ममता मोरे या एकमेव ठाकरे गटात राहिल्या अखेर त्यांच्यावर अविश्वास ठराव आणून त्यांना पायउतार करण्यात आले आहे. त्यामुळे शिवसेना एकत्र असताना योगेश कदम हे शिवसेनेचे आमदार असताना उद्धव ठाकरे व अनिल परब यांनी मोठी खेळी करत रामदास कदम यांना शह देण्यासाठी दापोली नगरपंचायतीवर स्थापन केलेली सत्ता उलटवून टाकण्यात शिवसेनेचे नेते रामदास कदम व गृहराज्यमंत्री योगेश कदम यांना मोठे यश आल आहे.उद्धव ठाकरे व अनिल परब यांच्या पुढाकाराने दापोली व मंडणगड येथील नगरपंचायतीत अडीच वर्षांपूर्वी सत्ता स्थापन केली होती. मात्र त्यानंतर महाराष्ट्रात राजकारणात मोठा राजकीय भूकंप झाला. त्यानंतर कदम यांनी दापोली नगरपंचायतीत ठाकरे गटाच्या सत्तेला उलटवून टाकण्यासाठी त्यांच्या पदाधिकाऱ्यांनी फिल्डिंग लावली होती.

मात्र आता त्यात यश आल आहे. तत्कालीन पालकमंत्री अनिल परब व त्यावेळी शिवसेनेत असलेले माजी आमदार सूर्यकांत दळवी माजी आमदार संजय कदम यांची मदत घेऊन स्थापन झालेल्या सत्तेला हादरा बसला आहे. गेल्या अडीच तीन वर्षात दापोली शहरातील अनेक विकास कामे रखडली आहेत यासाठी विकासाच्या मुद्द्यावर एकत्र येत आता एक दोन अपवाद वगळता सगळ्याच नगरसेवकांनी शिंदे सेनेचा भगवा हाती घेतला आहे.माजी नगराध्यक्ष ममता मोरे यांच्यावरती अविश्वास ठराव आणणारे पत्र जिल्हाधिकारी यांना देण्यात आला होत त्यानंतर लावण्यात आलेल्या बैठकीत 16 विरुद्ध एक असा बहुमताने अविश्वासाचा ठराव मंजूर करण्यात आला त्यानंतर दापोली नगराध्यक्षपदाच्या निवडीसाठी कार्यक्रम घोषित झाला यासाठी शिंदे गटाच्या नगरसेविका कृपा घाग यांचा एकमेव उमेदवारी अर्ज दाखल झाल्याने त्यांची बुधवारी बिनविरोध निवड झाली आहे. गृहराज्यमंत्री योगेश कदम यांच्या उपस्थितीत त्या आज पदग्रहण करणार आहेत.आता ठाकरे आणि परब यांनी स्थापन केलेल्या दापोली नगरपंचायत सत्तेच्या सभागृहात ममता मोरे या विरोधी पक्षाच्या एकमेव ठाकरे गटाच्या नगरसेविका असणार आहेत.

रामदास कदम व योगेश कदम यांनी ठाकरे गटाच्या काही नगरसेवकांना प्रवेश नाकारला होता मात्र ते भाजपामध्ये प्रवेश करण्याच्या तयारीत असताना शिंदे गटात प्रवेश देऊन त्यांचा भाजपा पक्ष प्रवेश थोपवण्यात आला होता अशी ही चर्चा त्यावेळी रंगली होती.दरम्यान दापोली नगरपंचायतमधील ठाकरे व पवार गटातील नगरसेवकांच्या शिंदे गटातील प्रवेशानंतर योगेश कदम यांच्या विरोधात मोठा राजकीय संघर्ष असलेले ठाकरे गटाचे माजी आमदार संजय कदम हे सुद्धा शिंदे गटात आल्याने योगेश कदम यांना या मतदारसंघात मोठे राजकीय बळ मिळाल आहे. आगामी स्थानिक स्वराज्य संस्थांच्या निवडणुकीच्या पार्श्वभूमीवर दापोली नगरपंचायतीत पुन्हा एकदा सत्ता परिवर्तन करण्यात योगेश कदम यांना मोठे यश आल आहे. याचदरम्यान आता महिनाभरापूर्वी शिंदे गटात गटात प्रवेश केलेले विद्यमान उपनगराध्यक्ष खालीद रखांगे यांच्या शहरातील एका प्लॉटिंगच्या विरोधात दापोली नगरपंचायत प्रशासनाने सुरू केलेल्या कारवाईच पुढे काय होणार याकडेही अनेकांचे लक्ष लागले आहे