राहुल गांधींच्या तोंडाला काळं फासू, बाळा दराडेंचा इशारा वैयक्तिक, ठाकरेसेनेने हात झटकले.

काँग्रेस नेते राहुल गांधी नाशिकमध्ये आले तर, त्यांच्या तोंडाला काळे फासू, असे खळबळजनक विधान शिवसेना उद्धव बाळासाहेब ठाकरे पक्षाचे उपमहानगरप्रमुख बाळा दराडे यांनी केले आहे.’महाविकास आघाडी गेली खड्यात. आमच्यासाठी सावरकर आणि हिंदुत्त्व महत्त्वाचे आहे. स्वातंत्र्यवीर सावरकरांविषयी केलेले वक्तव्य खपवून घेतले जाणार नाही, अशी ठाम भूमिका व्यक्त करीत काँग्रेस नेते राहुल गांधी नाशिकमध्ये आले तर, त्यांच्या तोंडाला काळे फासू,’ असे खळबळजनक विधान शिवसेना उद्धव बाळासाहेब ठाकरे पक्षाचे उपमहानगरप्रमुख बाळा दराडे यांनी केले आहे.दराडे यांच्या वक्तव्यामुळे नाशिकमध्ये महाविकास आघाडीत बिघाडी होण्याची शक्यता असून, दराडे यांच्या या वक्तव्यापासून पक्षानेही अंतर राखले आहे. स्वातंत्र्यवीर विनायक दामोदर सावरकर जयंती बुधवारी शहर परिसरात साजरी करण्यात आली. बाळा दराडे यांनी भगूर भगूर येथील स्मारकात जाऊन सावरकरांच्या प्रतिमेचे दर्शन घेतले.

यानंतर माध्यमांशी संवाद साधताना त्यांनी महाविकास आघाडीत मिठाचा खडा पडेल, असे वक्तव्य करून खळबळ उडवून दिली.राहुल गांधी यांनी दोनवेळा स्वातंत्र्यवीर सावरकरांचा अपमान केला. त्यांना माफीवीर म्हणून संबोधले. त्यावेळी उद्धव ठाकरेंनी त्यांना ठाकरी शैलीमध्ये सुनावले होते. पण आता नाशिकमधील अॅड. मनोज पिंगळे यांनी राहुल गांधी यांच्याविरोधात उच्च न्यायालयात याचिका दाखल केली. त्यांना समन्सही बजावण्यात आला आहे. ‘राहुल गांधी हे जर नाशिकमध्ये आले, तर आम्ही आमच्या ठाकरी शैलीमध्ये, शिवसैनिकांच्या स्टाइलमध्ये त्यांच्या ताफ्यावर दगडफेक करू आणि त्यांच्या तोंडाला आम्ही काळे फासू,’ असा थेट इशारा दराडे यांनी दिला. सावरकर यांच्या जयंतीदिनी घडलेल्या या प्रकारामुळे राजकीय वातावरण तापण्याची चिन्हे आहेत. दराडे यांच्या स्टंटबाजीमुळे आघाडीत बिघाडी होण्याची शक्यता आहे.दराडे हा शिवसेनेतील दुर्लक्षित कार्यकर्ता आहे. स्वतःच्या पक्षातील नेत्यांचे लक्ष वेधण्याकरिता हा केविलवाणा स्टंट आहे. आम्ही त्याला ओळखत नाही. राहुल गांधींच्या सावलीपर्यंत जाण्याची त्याची कुवत नाही. त्याची गुन्हेगारी पार्श्वभूमी असून, पक्षाने समज द्यावी. आम्ही कायदेशीर कारवाई करणार आहोत. –अॅड. आकाश छाजेड, शहराध्यक्ष, काँग्रेसस्वातंत्र्यवीर सावरकरांविषयी काँग्रेस नेते राहुल गांधींनी केलेल्या वक्तव्याबाबत पक्षप्रमुख उद्धव ठाकरे यांनी यापूर्वीच भूमिका मांडली आहे. बाळा दराडे यांनी दिलेला इशारा हा त्यांचे वैयक्तिक मत आहे. – सुधाकर बडगुजर, उपनेते, शिवसेना ‘उबाठा’