तू मला फसवलं, तुझ्यामुळे मी.. पत्र लिहून तरुणाने नको ते केलं, पाहताच भावाच्या पायाखालची जमीन सरकली.

सोलापुरात एका तरुणाने आपल्या आयुष्याची अखेर केली आहे. प्रेमप्रकरणातून या तरुणाने आपलं आयुष्य संपवल्याचं सांगितलं जात आहे. या घटनेने त्याच्या कुटुंबाला मोठा धक्का बसला आहे.सोलापूर शहरात प्रेमप्रकरणातून 24 वर्षीय तरुणाने गळफास घेऊन आयुष्य संपविलं आहे. उज्ज्वल अरुण साबळे (रा. कोर्ट कॉलनी, कंबर तलाव, सोलापूर विजयपूर रोड, सोलापूर) या तरुणाने गळफास घेऊन आपले आयुष्य संपवले आहे. आत्महत्या करण्यापूर्वी उज्ज्वल साबळे या तरुणाने एक पत्र लिहून ठेवलं आहे. या पत्रात उज्ज्वल साबळेने प्रेयसीला उद्देशून म्हटले आहे की, तू मला फसवलं… तुझ्यामुळे मी फसलो. त्यानंतर त्याने आपल्या आयुष्याची अखेर केली आहे.

एका प्रियकराने नैराश्यमधून टोकाचे पाऊल उचलल्याने सोलापूर शहरात हळहळ व्यक्त होत आहे. उज्ज्वल साबळेने राहत्या घरात सिलिंगच्या हुकला ओढणीच्या सहाय्याने गळफास घेऊन आत्महत्या केली. ही घटना शनिवारी रात्री उघडकीस आली.उज्ज्वल साबळे या तरुणाचे एका मुलीशी प्रेमसंबंध होते. प्रेम संबंधातून उज्ज्वलला नैराश्य आले होते. अनेक दिवसांपासून उज्ज्वल साबळे चिडचिड करत होता. त्यामुळेच त्याने टोकाचे पाऊल उचलले अशी चर्चा सुरू आहे. त्याने लिहिलेल्या चिठ्ठीमध्ये ‘तू मला फसवलं….तुझ्यामुळे मी फसलो’ असे नमूद केले आहे. उज्ज्वल हा खासगी ठिकाणी कामाला जात होता तर आई कोर्टात बेलिफ म्हणून कार्यरत आहे. कार्यक्रम असल्याने आई नातेवाईकांकडे मुंबईला गेली होती. उज्ज्वल हा मागील काही दिवसांपासून तणावात होता, अशी माहिती आहे. यातूनच त्याने आपल्या आयुष्याची अखेर केली.

याबाबत त्याने एका डायरीत नोंद केली आहे.तणावात असलेला उज्ज्वल अनेक दिवसांपासून एकटा आणि शांत राहत होता. शनिवारी रात्री ९ वाजण्याच्या सुमारास राहत्या घरात कोणी नसताना त्याने आपली जीवनयात्रा संपवली. शनिवारी रात्री भाऊ कामावरून घरी आला, त्यावेळी उज्ज्वल हा घरात गळफास घेतलेल्या अवस्थेत दिसून आला. उज्ज्वलला अशा अवस्थेत पाहून भावाला धक्काच बसला. त्याने एकच टाहो फोडला. त्याचा आवाज ऐकून शेजारचे जमले, त्यानंतर शेजारच्यांच्या मदतीने उज्ज्वलला खाली उतरवून खासगी रुग्णालयात दाखल करण्यात आले. मात्र, तोपर्यंत उशीर झालेला, डॉक्टरांनी तपासून त्याला मृत घोषित केलं.