पाण्याचा दाब तपासायचाय; 21 वर्षीय तरुण घरात शिरला, नाशकात विवाहितेचे आक्षेपार्ह फोटो काढले अन्…

 महिलेला ​​दमदाटी करीत तिचे आक्षेपार्ह फोटो काढून ते व्हायरल करण्याची धमकी दिली. त्यानंतर पीडितेकडील सोन्या चांदीचे दागिने व रोकड हिसकावून चोरटा पसार झाला .पाण्याचा दबाव तपासण्याच्या बहाण्याने घरात शिरून एकाने महिलेसह तिच्या बाळास जीवे मारण्याची धमकी देत तिचे आक्षेपार्ह फोटो काढले. त्यानंतर हे फोटो व्हायरल करण्याची धमकी देत चोरट्याने घरातील रोकड, सोन्याचे दागिने असा 4 लाख 7 हजार रुपयांचा ऐवज हिसकावून नेला होता. या प्रकरणातील संशयितास गुन्हे शाखा युनिट एक व दोनच्या पथकाने संसरी गावातून पकडले.सुशील अनिल ठाकूर, वय 21 वर्ष, रा. हरीधाम अपार्टमेंट, संसरीगाव, असे संशयिताचे नाव आहे. देवळाली कॅम्प परिसरात चोरट्याने शुक्रवारी दि. 23 मे रोजी दुपारी दोन वाजता पीडित महिलेच्या घरात पाण्याचा दबाव तपासण्याच्या बहाण्याने प्रवेश केला. त्यानंतर पीडितेस तिच्यासह बाळाला जीवे मारण्याची धमकी दिली.

महिलेला दमदाटी करीत तिचे आक्षेपार्ह फोटो काढून ते व्हायरल करण्याची धमकी दिली. त्यानंतर पीडितेकडील सोन्या चांदीचे दागिने व रोकड हिसकावून चोरटा पसार झाला. गुन्हे शाखेला मिळालेल्या माहितीच्या आधारे पथकाने राका कॉलनी परिसरात सापळा रचून संशयित ठाकुर यास पकडले.अंगझडतीत 1 लाख 36 हजार 700 रुपयांची रोकड व मोबाइल आढळून आला. तर जबरी चोरीतील सोन्याचांदीचे दागिने त्याने नाशिकरोड येथील सराफास विक्री केल्याची कबुली दिली. त्यानुसार पोलिसांनी तपास करीत सराफाकडून 3 लाख 18 हजार रुपयांचे दागिने जप्त केले. पोलिसांनी संशयित सुशीलचा ताबा देवळाली कॅम्प पोलिसांना सोपवला आहे.दुसरीकडे, नागपूर येथील पाचपावली पोलिस ठाण्याच्या हद्दीतील बाळाभाऊपेठेतील व्हीएचबी कॉलनीत घरफोडी करून चोरट्यांनी रोख रकमेसह सव्वादोन लाख रुपये किमतीचे दागिने लंपास केले. तक्रारकर्ते विजय नारायणराव क्षीरसागर हे शनिवारी कुटुंबासह भाचीच्या लग्नाला दिघोरी येथे गेले होते. संधी साधून चोरट्यांनी दरवाजाचे कुलूप तोडले. आलमारीतील २५ हजारांची रोख रक्कम व सोन्या-चांदीचे दागिने चोरी केले. दुसऱ्या दिवशी सकाळी ही घटना उघडकीस आली. त्यांनी पाचपावली पोलिस ठाण्यात तक्रार दिली. पोलिसांनी घरफोडीचा गुन्हा दाखल केला.