कॅबिनेटमध्ये परतले, छगन भुजबळांना अखेर मंत्रालय जाहीर, खातंही मुंडेंचं अन्…

महायुती सरकार राज्यात स्थापन झाल्यानंतर ज्येष्ठ नेते म्हणून छगन भुजबळ यांना कॅबिनेट मंत्रिपद मिळेल, अशी अटकळ बांधली जात होती. मात्र त्यांना मंत्रिपदापासून दूर राहावे लागल्याने भुजबळ नाराज झाले होते.वनियुक्त अन्न व नागरी पुरवठा मंत्री छगन भुजबळ हे आज मंत्रालयातील विस्तारित इमारतस्थित दुसऱ्या मजल्यावर असणाऱ्या कार्यालयात पदभार स्वीकारत आहेत. यापूर्वी अन्न व नागरी पुरवठा खात्याचे मंत्री असलेले धनंजय मुंडे यांच्या राजीनाम्यानंतर त्यांचं पद आणि कार्यालय हे छगन भुजबळ यांना वर्ग करण्यात आलेलं आहे.मंत्रालयातील विस्तारित इमारतीमध्ये असलेल्या दुसऱ्या मजल्यावरील कार्यालयातून ते आपला पदभार स्वीकारून कामाचा श्रीगणेशा करणार आहेत. छगन भुजबळ यांनी मंत्रीपदाची शपथ घेतल्यानंतर त्यांना कुठलं खातं वर्ग करण्यात येईल याची फार चर्चा माध्यमांमध्ये पाहायला मिळाली होती.

धनंजय मुंडे यांचंच अन्न व नागरी पुरवठा खातं त्यांना मिळेल अशी राजकीय वर्तुळात चर्चा होती. मात्र याबाबत कोणताही शासकीय आदेश काढण्यात आला नव्हता. पण आज तसा शासकीय आदेश निघाल्यानंतर नागपुरात असलेले छगन भुजबळ हे तातडीने मुंबईत दाखल झाल्यानंतर मंत्रालयात पोहोचून आपल्या नवीन खात्याचा पदभार स्वीकारणार आहेत.महायुती सरकार राज्यात स्थापन झाल्यानंतर ज्येष्ठ नेते म्हणून छगन भुजबळ यांना कॅबिनेट मंत्रिपद मिळेल, अशी अटकळ बांधली जात होती. मात्र त्यांना मंत्रिपदापासून दूर राहावे लागल्याने भुजबळ नाराज झाले होते. परंतु आता मंत्रिपद मिळताच त्यांनीही नव्या जोमाने पुनरागमन केले आहे.याआधी, महाविकास आघाडीचे सरकार असताना छगन भुजबळ यांच्याकडे अन्न व नागरी पुरवठा हेच खातं होतं. धनंजय मुंडे यांच्यासाठी अनलकी ठरलेलं खातं भुजबळ यांना लकी ठरेल का? हे आगामी काही दिवसातच समजून येईल यात काही शंकाच नाही.याआधी धनंजय मुंडे यांनी मार्च महिन्यात मंत्रिपदाचा राजीनामा दिला होता. बीडमधील मस्साजोगचे सरपंच संतोष देशमुख हत्या प्रकरणातील अत्यंत भयंकर समाजमाध्यमांवर फोटो व्हायरल झाल्यानंंतर धनंजय मुंडे यांच्या राजीनाम्याची मागणी जोर धरु लागली होती. अखेर हत्या प्रकरणाशी थेट संबंध नसतानाही निकटवर्तीय वाल्मिक कराड हा या प्रकरणात आरोपी असल्यामुळे, एक जबाबदार राजकीय नेता म्हणून नैतिकतेच्या मुद्यावरुन आपण राजीनामा देत असल्याची प्रतिक्रिया मुंडे यांनी दिली होती.