मान्सूनची दमदार आगेकूच! मुंबईतही कोसळधार, महाराष्ट्रातील कोणत्या जिल्ह्याला कोणता अलर्ट.जाणून घ्या

भारतीय हवामानशास्त्र विभागाने (IMD) म्हटले आहे की, मान्सून वेगाने पुढे सरकत आहे. या आठवड्याच्या अखेरीस मान्सून केरळमध्ये दाखल होईल. केरळ, तामिळनाडू आणि ईशान्येकडील राज्यांमध्येही मान्सूनचे आगमन होऊ शकते. यादरम्यान, मुंबईसह महाराष्ट्रातील काही भागांत मुसळधार पावसाची शक्यता आहे.हवामान विभागाच्या अधिकारी शुभांगी भुते यांनी सांगितले की, अरबी समुद्रात चक्राकार वाऱ्याचे क्षेत्र तयार होत आहे. यामुळे गुरुवारी कमी दाबाचे क्षेत्र तयार होईल. त्याचा परिणाम महाराष्ट्रात दिसून येईल. मुंबई, दक्षिण कोकण आणि दक्षिण मध्य महाराष्ट्रात गडगडाटी वादळांसहित मुसळधार पावसाचा अंदाज वर्तवण्यात आला आहे. या दरम्यान वाऱ्यांचा वेग ताशी 30 ते 40 किलोमीटर असू शकतो. दरम्यान, काल रात्री मुंबई शहर-उपनगरात आणि आसपासच्या परिसरात तुफान पाऊस झाला.भारतीय हवामानशास्त्र विभागाने (IMD) म्हटले आहे की, मान्सून वेगाने पुढे सरकत आहे. या आठवड्याच्या अखेरीस मान्सून केरळमध्ये दाखल होईल. केरळ, तामिळनाडू आणि ईशान्येकडील राज्यांमध्येही मान्सूनचे आगमन होऊ शकते.

यादरम्यान, मुंबईसह महाराष्ट्रातील काही भागांत मुसळधार पावसाची शक्यता आहे. आयएमडीच्या मते, नैऋत्य आणि ईशान्य दोन्ही शाखांच्या जलद प्रगतीमुळे मान्सूनसाठी अनुकूल वातावरण तयार होत आहे. पुढील चार ते पाच दिवसांत, मान्सून दक्षिण अरबी समुद्राच्या काही भागात, मालदीव आणि कोमोरिनच्या उर्वरित भागात, लक्षद्वीपच्या काही भागात, केरळ, तामिळनाडू, बंगालच्या उपसागराच्या दक्षिण आणि मध्य भागात, बंगालच्या उपसागराच्या ईशान्य भागात आणि ईशान्य राज्यांमध्ये प्रवेश करण्याची शक्यता आहे.पुणे घाट परिसरात गुरुवारी आणि शुक्रवारी ऑरेंज अलर्ट जारी करण्यात आला आहे. गुरुवारी कोल्हापूर आणि सातारा घाट परिसरात ऑरेंज अलर्ट जारी करण्यात आला आहे.

रत्नागिरीमध्ये आजपासून शुक्रवारपर्यंत ऑरेंज अलर्ट जारी करण्यात आला आहे. गुरुवारी आणि शनिवारी सिंधुदुर्गात ऑरेंज अलर्ट जारी करण्यात आला आहे. गुरुवारी रायगडमध्येही ऑरेंज अलर्ट जारी करण्यात आला आहे.महाराष्ट्रात गेल्या काहि दिवसांपासून अवकाळीने धुमाकूळ घातला आहे. अहिल्यानगर जिल्ह्यातील शेतकऱ्यांचे अवकाळी पावसामुळे मोठे नुकसान झाले आहे. पुणे शहरात दहा वर्षातील सर्वाधिक पावसाची नोंद झाली आहे. 1 मे ते 21 मे या कालावधीत 110 मिलिमीटर पावसाची नोंद करण्यात आली आहे. यापूर्वी 2015 मध्ये 106 मिलिमीटर पावसाची नोंद करण्यात आली होती. पुढचे दोन दिवस आणखी पाऊस पडण्याची शक्यता हवामान विभागने वर्तवली आहे.