आयपीएल नव्याने सुरु होणार, पण मुंबई इंडियन्सचा सामनाही नसूनही कसा बसू शकतो मोठा धक्का, जाणून घ्या... -

आयपीएल नव्याने सुरु होणार, पण मुंबई इंडियन्सचा सामनाही नसूनही कसा बसू शकतो मोठा धक्का, जाणून घ्या…मुंबई : आयपीएलमध्ये रविवारी दोन सामन्यांची मजा चाहत्यांना अनुभवता येणार आहे. या दोन्ही सामन्यांत मुंबई इंडियन्सचा संघ नसेल. पण सामना न खेळताही आता मुंबई इंडियन्सच्या संघाला धक्का बसू शकतो. त्यामुळेच आता मैदानात न उतरताही धक्का बसणार असल्यामुळे हार्दिक पंड्याची चिंता चांगलीच वाढणार आहे.आयपीएल पुन्हा नव्याने सुरु होत आहे. पण मुंबई इंडियन्सची चिंता काही कमी होताना दिसत नाही. मुंबई इंडियन्सचे रियान रिक्लेटन आणि कॉर्बिन बॉश हे दोन्ही खेळाडू आपल्या देशात परतले आहेत आणि ते आता पुन्हा आयपीएल खेळण्यासाठी भारतात येणार नाहीत. या दोघांच्या जागी संघात कोणाला संधी द्यायची, याचा निर्णयही अद्याप झालेला नाही. एकिकडे हे टेंशन असताना हार्दिकची चिंता आणखीन वाढली आहे. ही चिंता सामना आहे म्हणून वाढलेली नाही, तर सामना न खेळताही संघाला मोठा धक्का बसणार असल्यामुळे आहे.आयपीएल नव्याे सुरु होण्यापूर्वी आता मुंबई इंडियन्सचे दोनच सामने बाकी आहेत.

हे दोन्ही सामने मुंबईसाठी महत्वाचे आहेत. कारण मुंबईने यापैकी एकही सामना गमावला तर मात्र त्यांचे प्ले ऑफचे स्वप्न अधुरे राहू शकते. सध्याच्या घडीला मुंबईच्या संघाने १२ सामने खेळले आहेत. या १२ सामन्यांपैकी मुंबईने सात लढती जिंकलेल्या आहेत. मुंबईला आतापर्यंत पाच सामन्यांत पराभव पत्करावा लागला आहे. त्यामुळे मुंबईच्या संघाचे सात विजयांसह १४ गुण झाले आहेत. या १४ गुणांसह मुंबईचा संघ पॉइंट्स टेबलमध्ये चौथ्या स्थानावर आहे. पण आता मुंबईच्या संघाला मोठा धक्का बसू शकतो. कारण सध्याच्या घडीला दिल्ली कॅपिटल्सचा संघ हा १२ गुणांसह चौथ्या स्थानावर आहे. त्यामुळे दिल्लीने जर मोठ्या फरकाने हा सामना जिंकला तर ते मुंबई इंडियन्सला धक्का देऊ शकतात आणि चौथ्या स्थानावर पोहोचू शकतात. त्यामुळे सामना न खेळताही मुंबई इंडियन्सच्या संघाला धक्का बसू शकतो.

त्यानंतर मुंबईचा संघ सामना जिंकू शकले नाहीत, तर त्यांचे आयपीएलमधील आव्हान संपुष्टात येणार आहे. त्यामुळे हार्दिक पंड्याची चिंता आता वाढलेली असणार आहे.मुंबईचा संघ चांगल्या फॉर्मात होता. त्यांनी चांगली लय पकडलेली होती. पण आता संघातील दोन खेळाडू पुन्हा खेळणार नाही, हे एक टेंशन मुंबईच्या संघाला असेल. त्याचबरोबर जर दिल्लीचा संघ वरचढ झाला तर मुंबईच्या संघाची डोकेदुखी आणखीन वाढणार असल्याचे आता समोर येत आहे. त्यामुळे आता दिल्लीचा संघ विजयासह मुंबई इंडियन्सला धक्का देतो की नाही, याची उत्सुकता आता सर्वांना नक्कीच असणार आहे.