दिल्लीला दे धक्का! ऐन प्लेऑफच्या शर्यतीत चिंता वाढली, मॅचविनरने सोडली संघाची साथ.

आयपीएल 2025 पुन्हा सुरु होण्याच्या मार्गावर आहे. उद्यापासून म्हणजे 17 मे पासून आयपीएल पुन्हा सुरु होणार आहे. भारत-पाक तणावामुळे आयपीएल स्थगित करण्यात आली होती. उद्या रॉयल चॅलेंजर्स बेंगळुरु आणि कोलकाता नाईट रायडर्समध्ये सामना रंगणार आहे. आयपीएल सुरू होण्यापूर्वी पुन्हा एकदा दिल्ली कॅपिटल्ससाठी एक वाईट बातमी आली.सूत्रांनी दिलेल्या माहितीनुसार, स्टार्कने आयपीएल 2025 मध्ये न खेळण्याचा निर्णय दिल्ली कॅपिटल्स व्यवस्थापनाला कळवला आहे. स्पर्धा पुढे ढकलण्यात आल्यानंतर त्याच्या उपलब्धतेबद्दल शंका होत्या पण आता दिल्ली त्याच्याशिवाय पुढे जाण्याची तयारी करत आहे. अक्षर पटेलच्या नेतृत्वाखाली संघाने गुरुवारी अरुण जेटली स्टेडियमवर सराव केला. परदेशी खेळाडूंमध्ये फक्त श्रीलंकेचा वेगवान गोलंदाज दुष्मंथा चामीरा उपस्थित होता.

फाफ डु प्लेसिस आणि ट्रिस्टन स्टब्स लवकरच संघात सामील होण्याची अपेक्षा आहे. संघाचे मार्गदर्शक केविन पीटरसन 16 मे रोजी कॅम्पमध्ये परततील ब्रेक दरम्यान तो घरी गेला.दिल्ली कॅपिटल्सचा पुढील सामना 18 मे रोजी अरुण जेटली स्टेडियमवर गुजरात टायटन्सविरुद्ध आहे. सामन्यापूर्वी, संघ शुक्रवारी एरोसिटीमधील त्यांच्या फ्रँचायझी सुविधेत सराव करेल. 15 मे रोजी संध्याकाळी गुजरात टायटन्स दिल्लीला पोहोचले. त्यांचा सराव 16 मे रोजी होणार आहे. दरम्यान, दिल्लीने जेक फ्रेझर-मॅकगर्कच्या जागी मुस्तफिजूर रहमानचा संघात समावेश केला आहे.

गुजरात टायटन्सने जोस बटलरच्या जागी कुसल मेंडिसला करारबद्ध केले आहे. बटलर प्लेऑफमध्ये खेळणार नाही.दिल्ली संघाचा वेगवान गोलंदाज मिचेल स्टार्क आता आयपीएल 2025 मध्ये खेळणार नाही. गुरुवारी मिचेल स्टार्क विमानतळावर होता. सोशल मीडियावर एक व्हिडिओ व्हायरल होत आहे. व्हिडिओमध्ये स्टार्क त्याचे सामान ट्रॉलीमध्ये ठेवत होता. मग त्याला एक चाहता व्हिडिओ बनवताना दिसला. स्टार्कला ते आवडले नाही आणि तो रागाने चाहत्याला निघून जाण्यास सांगतो. व्हिडिओमध्ये तो तीन वेळा ‘चले जा’ असे म्हणत असल्याचे ऐकू येते.