शांत चेहऱ्यामागे वादळ दडलेलं, पुण्यातील कष्टाळू दाम्पत्याने आयुष्य संपवलं, हादरवणारं कारण समोर.

नागनाथ आणि उज्वला हे वाघोलीतील दैनंदिन बाजारात फळ विक्रीचा व्यवसाय करत होते. काबाडकष्ट करून ते आपला उदरनिर्वाह करत होते. मात्र, सततच्या आर्थिक विवंचनेतून त्यांनी आत्महत्या करण्याचा निर्णय घेतलावाघोली परिसरातील आव्हाळवाडी येथे पती-पत्नीने राहत्या घरात गळफास घेऊन आत्महत्या केल्याची धक्कादायक घटना समोर आली आहे. या घटनेने परिसरात एकच खळबळ उडाली आहे.सोमवारी रात्री घडलेली ही घटना मंगळवारी सकाळी उघडकीस आली. नागनाथ वारुळे (वय ४३) आणि त्यांची पत्नी उज्वला वारुळे (वय ४०) असे मृत दाम्पत्याचे नाव आहे. याबाबत पोलिसांनी पंचनामा केला असून तपास सुरु केला आहे. आर्थिक अडचणींमुळे त्यांनी हे टोकाचं पाऊल उचलल्याचा प्राथमिक अंदाज पोलिसांनी व्यक्त केला आहे.याबाबत मिळालेल्या माहितीनुसार, नागनाथ आणि उज्वला हे वाघोलीतील दैनंदिन बाजारात फळ विक्रीचा व्यवसाय करत होते. काबाडकष्ट करून ते आपला उदरनिर्वाह करत होते. मात्र, सततच्या आर्थिक विवंचनेतून त्यांनी आत्महत्या करण्याचा निर्णय घेतला असावा, असा संशय आहे.

या घटनेची माहिती मिळताच वाघोली पोलिसांनी घटनास्थळी धाव घेत पंचनामा केला. मृतदेह शवविच्छेदनासाठी रुग्णालयात पाठवण्यात आले असून, पोलिसांनी या प्रकरणाचा तपास सुरु केला आहे.वारुळे दाम्पत्य कष्टाळू आणि शांत स्वभावाचे होते. त्यांच्या आत्महत्येच्या निर्णयाने परिसरात हळहळ व्यक्त होत आहे. वाघोली पोलीस मृत्यूमागील नेमकं कारण शोधण्यासाठी सखोल तपास करत असून, नातेवाईक आणि शेजाऱ्यांचे जबाब नोंदवले जात आहेत.या घटनेने आर्थिक तणावामुळे होणाऱ्या मानसिक दडपणाचा प्रश्न पुन्हा एकदा ऐरणीवर आला आहे. समाजात अशा घटना रोखण्यासाठी आर्थिक आणि मानसिक आधाराची गरज असल्याचे मत व्यक्त होत आहे.दुसरीकडे, दहावीच्या परीक्षेत ३९ टक्के इतके कमी गुण मिळाल्याने आलेल्या नैराश्यातून दहावी उत्तीर्ण झालेल्या विद्यार्थिनीने राहत्या घरात गळफास घेऊन आत्महत्या केली.

ही धक्कादायक घटना चऱ्होली फाटा येथील तनिष्क सोसायटीत मंगळवारी (१३ मे) दुपारी दीडच्या सुमारास उघडकीस आली.मंगळवारी (१३ मे) दहावी परिक्षेचा निकाल जाहीर झाला. विद्यार्थिनीने दहावीची परिक्षा दिली होती. काल दुपारी एकच्या सुमारास तिने मोबाइलवर निकाल पाहिला. त्यानंतर काही वेळाने ती घरातील शयनगृहात गेली.बराच वेळ विद्यार्थी बाहेर न आल्याने तिच्या आईने शयनगृहात जाऊन पाहिले असता ती साडीच्या साह्याने गळफास घेतलेल्या अवस्थेत आढळून आली. शेजाऱ्यांनी त्वरीत दिघी पोलिसांना कळविले. बेशुद्धावस्थेतील तिला त्वरीत महापालिकेच्या यशवंतराव चव्हाण रुग्णालयात नेण्यात आले. मात्र, उपचारापूर्वीच तिचा मृत्यू झाल्याचे डॉक्टरांनी सांगितले.