चीनचा खरा चेहरा जगासमोर उघड; आधी युद्धभूमी, मग घरातही लाज निघाली, नेमकं काय घडलं पाहा.

भारताचे ‘ऑपरेशन सिंदूर’ एक मोठे पाऊल आहे. यामुळे पाकिस्तानची ‘Made in China’ शास्त्रांची पोलखोलच झाली. पाकिस्तान बहुतेक शस्त्रे चीनकडून खरेदी करतो आणि भारतासमोर चिनी शस्त्रे कमकुवत ठरली. मंगळवारी चीनच्या संरक्षण स्टॉक्समध्ये मोठी घसरण झाली, ज्याचे सर्वात मोठे कारण म्हणजे भारत आणि पाकिस्तानमधील संघर्षात चिनी शस्त्रास्त्रांचे अपयश ठरले.भारतीय सैन्याच्या पाकिस्तान आणि PoK मधील ‘ऑपरेशन सिंदूर’ दरम्यान पाकिस्तानने चिनी शस्त्रे वापरली. आता दोन्ही देशांमध्ये युद्धबंदी लागू झाली असली तरी सुमारे चार दिवस चाललेल्या या संघर्षात भारतीय सैन्याने पाकिस्तानच्या प्रत्येक हल्ल्याला योग्य उत्तर दिले. हल्ल्यादरम्यान चीनच्या संरक्षण साठ्यात प्रचंड वाढ झाली होती पण, आता तेजीला नफेखोरीने ब्रेक लागला आहे. मंगळवारी चीनच्या डिफेन्स स्टॉकेसमध्ये 9 टक्क्यांनी घसरण झाली.भारत आणि पाकिस्तानमध्ये युद्धबंदी झाली असली तरी दोन्ही देशांमध्ये अजूनही तणाव कायम आहे. ऑपरेशन सिंदूर अंतर्गत दोन्ही देशांतील संघर्षात चिनी शस्त्रे वापरण्यात आल्याचे समोर आले.

इकॉनॉमिक टाइम्सच्या वृत्तानुसार पाकिस्तानने भारताविरुद्ध चीनमध्ये बनवलेल्या शस्त्रांचा वापर केला पण, भारतीय सैन्याने चोख प्रत्युत्तर देत ‘Made in China’ शस्त्रे जमीनदोस्त केली. गेल्या काही वर्षांत पाकिस्तानने चीनकडून अब्जावधी रुपयांची शस्त्रे खरेदी केली असून चीन पाकिस्तानला शस्त्रास्त्रे पुरवणारा सर्वात मोठा देश आहे.भारत आणि पाकिस्तानमधील युद्ध थांबल्यानंतर प्रमुख चिनी संरक्षण कंपन्यांचे शेअर्स जोरदार आपटले आहेत. 13 मे रोजी हँग सेंग चायना एरोस्पेस अँड डिफेन्स इंडेक्स 3% घसरला. EAVIC चेंगडूचे शेअर्स 9.31% आणि झुझोउ होंगडा 6.42% आपटले. एव्हीआयसी चेंगडू कंपनी JF-17 थंडर आणि J-10C लढाऊ विमाने बनवते तर झुझोऊ कंपनी पीएल-15 क्षेपणास्त्र बनवते.एकूणच चिनी शस्त्रे भारताच्या प्रतिहल्ल्याला तोंड देऊ शकली नाही आणि पाकिस्तानशी झालेल्या संघर्षात भारताच्या हवाई संरक्षण यंत्रणेने पीएल-15 क्षेपणास्त्र पाडले. या घटनेनंतर चीनच्या क्षेपणास्त्र तंत्रज्ञानाच्या प्रामाणिकपणावर प्रश्न उपस्थित होऊ लागले आहेत. कदाचित म्हणूनच गुंतवणूकदारांचा झुझोउ होंगडा कंपनीवरील विश्वास कमी झाला आणि कंपनीचे शेअर्स जमिनीवर आले.शस्त्रास्त्र खरेदीसाठी पाकिस्तान पूर्णपणे चीनवर अवलंबून आहे. 2020 ते 2024 दरम्यान पाकिस्तानने आयात केलेल्या शस्त्रांपैकी 81% शस्त्रे चीनमधून खरेदी केली आहेत. यामध्ये आधुनिक लढाऊ विमाने, रडार, हवाई संरक्षण प्रणाली आणि क्षेपणास्त्रांचा समावेश असून याआधी 2010 पर्यंत अमेरिका पाकिस्तानचा सर्वात मोठा संरक्षण भागीदार होता पण, आता अमेरिकेने पाकिस्तानला शस्त्रास्त्रे पुरवणे बंद केले आणि चीनने आघाडी मिळवली.