लाखात एक आमचा फौजी! बहिणीच्या लग्नापूर्वी कॉल, जवान क्षणात देशसेवेला रवाना, मायबाप म्हणतात आमचा लेक…

 बहिणीच्या लग्नासाठी शुभम तीन महिन्यांची रजा घेऊन गावी आले होते. बहिणीच्या लग्नासाठी स्थळ बघण्याचे काम सुरू होते.बहिणीच्या लग्नासाठी तीन महिन्यांची रजा घेऊन जवान गावी आला होता. मात्र भारत पाकिस्तान युद्धजन्य परिस्थितीच्या पार्श्वभूमीवर सैन्यातून कॉल आला, त्यामुळे बहिणीच्या लग्नाचे कार्यक्रम अर्ध्यावर सोडून, क्षणाचाही विलंब न करता जवान देशसेवेसाठी रवाना झाला. छत्रपती संभाजीनगर येथील जबरी गंगापूर तालुक्यातील देवळी गावात या प्रसंगाने भावनिक वातावरण निर्माण झाले होते. ‘आधी लगीन कोंढाण्याचंं, मग रायबाचं’ ही शिवकाळापासून चालत आलेली आपली संस्कृती आजही जवान पाळतानाशुभम भाऊसाहेब पाटील चिंधे असे जवानाचे नाव आहे. शुभम चिंधे हे मूळचे छत्रपती संभाजीनगर जिल्ह्यात गंगापूर तालुक्यातील देवळी या गावचे रहिवासी आहेत. शुभमला लहानपणापासूनच सैन्यात भरती होण्याची इच्छा होती.

अपार मेहनत आणि कष्टाच्या जोरावर शुभम याने आपले स्वप्न साकार केले आणि तो देशसेवेत रुजू झाला.दरम्यान बहिणीच्या लग्नासाठी शुभम तीन महिन्यांची रजा घेऊन गावी आले होते. बहिणीच्या लग्नासाठी स्थळ बघण्याचे काम सुरू होते. याच काळात पहलगाम येथे झालेल्या दहशतवादी हल्ल्यानंतर भारताने प्रत्युत्तरात सिंदूर ऑपरेशन राबवले. यामध्ये दोन्ही देशात तणावाचे वातावरण निर्माण झाले.भारत पाकिस्तान मध्ये युद्धजन्य परिस्थिती असल्यामुळे केंद्र सरकारने सर्व जवानांच्या सुट्ट्या रद्द केल्या. सुट्टीवर असलेल्या जवानांना तातडीने सेवेत हजर होण्याचे आदेश देण्यात आले.

केंद्र सरकारचे आदेश येतात क्षणाचाही विलंब न करता शुभम चिंधे हे बहिणीचं लग्न अर्ध्यावर सोडून देशसेवेसाठी रवाना झाले. यावेळी गावामध्ये भावनिक वातावरण निर्माण झाले होते.जवान शुभम यांच्या आई संगीता या बाजार समितीच्या संचालिका आहे. त्या म्हणाल्या आमचा मुलगा देशसेवेसाठी सीमेवर गेला. आमचा मुलगा देशसेवा करतो याचा आम्हाला सार्थ अभिमान आहे. तर वडील भाऊसाहेब चिंधे हे म्हणाले आमच्या मुलाला लहानपणापासून देशसेवेची आवड होती. आज देशावर असलेल्या संकटाच्या काळात मुलगा संरक्षणासाठी गेला याचा आम्हाला सार्थ अभिमान आहे.