इन्स्टाग्रामवरील पोस्ट भोवली, भारताविरोधी चिथावणीखोर भाष्य करणाऱ्याची पोलिसांनी चांगलीच जिरवली.

भारत पाक दरम्यान युद्धजन्य परिस्थीती निर्माण झाली असून आरोपी मोसिन मुजावरने त्याच्या इंन्स्टाग्राम आयडीवरून इतरांना देखील सदर मेसेज प्रसारित करुन दोन समाजात तेढ निर्माण करण्याचा प्रयत्न केल्यामुळे पेणमधील सर्वपक्षीय कार्यकर्ते व नागरिकांनी याचा जोरदार निषेध केला आहे.रायगड जिल्ह्यातील पेण येथील मोसीन मुजावर या तरुणाने देशविरोधी चिथावणीखोर पोस्ट केली असून त्याच्यावर ९ मे २०२५ रोजी रात्री पावणे अकराच्या सुमारास गुन्हा दाखल करण्यात आला. याबाबतची फिर्याद आयुष किरण शहा, पेण यांनी सह्याद्री प्रतिष्ठान हिंदुस्थान चे अध्यक्ष साईराज कदम यांच्याशी विचारविनिमय केल्यानंतर फिर्याद दिली असल्याची माहिती पेण पोलिसांकडून प्राप्त झाली आहे. मोसीन मुजावर याने केलेल्या देश विरोधी वक्तव्याविरोधात त्याच्याविरोधात पेण शहरातील सर्वधर्मीय नागरिकांनी निषेध व्यक्त केला आहे.

मोसिन मुजावर तरुणाने त्याच्या इन्स्टाग्राम ॲपवरील मोसिन मुजावर 09 नावाच्या आयडी वरुन फिर्यादी आयुष किरण शहा यांच्या इन्स्टाग्राम वरील आयुष- शहा -1771 नावाच्या आयडीवर ” इंडिया के रुल्स की तहेस नहेस हो गई है, संभलके रहो हमारे पास तो तलवारे, बॉम्ब, मिसाईल सब रेडी है. देख रहा है ना इराण सब लेके बैठा है जो भी हमे तकलीफ देगा एक मिनिट मे उडा देगा वो. एक दिन इंडिया भी हमारा होगा. पूरा कब्जा हमारा होगा, और हम मस्त दबा के मारेंगे “अशी चुकीची माहिती पाठवून त्यांच्या मनामध्ये भिती निर्माण करण्याचा प्रयत्न केला. तसेच भारत पाक दरम्यान युद्धजन्य परिस्थीती निर्माण झाली असून आरोपी मोसिन मुजावरने त्याच्या इंन्स्टाग्राम आयडीवरून इतरांना देखील सदर मेसेज प्रसारित करुन दोन समाजात तेढ निर्माण करण्याचा प्रयत्न केल्यामुळे पेणमधील सर्वपक्षीय कार्यकर्ते व नागरिकांनी याचा जोरदार निषेध केला आहे.यावेळी असंख्य नागरिक या निषेध रॅलीत सहभागी झालेले पाहायला मिळत आहेत. पेण पोलिसांनी याची दखल घेत मोसिन मुजावर याच्यावर भा. न्या. स. कलम 353,1 ख व 353 ( 2 ) अंतर्गत गुन्हा दाखल केला असून पुढील तपास उपविभागीय पोलीस अधिकारी पेण विभाग पेण गजानन टोंपे पोलिस निरीक्षक संदीप बागुल यांच्या मार्गदर्शनाखाली पोलिस उप निरीक्षक बेग हे करीत आहेत.