खळबळजनक! पिंपरी रेल्वे स्थानकाजवळ भंगाराच्या दुकानात आढळले बॉम्ब शेल, नागरिकांमध्ये दहशत, बॉम्ब नाशक पथक दाखल.

पिंपरी रेल्वे स्थानकाजवळील एका भंगाराच्या दुकानात दुपारी 12 वाजण्याच्या सुमारास ही बॉम्ब शेल आढळली. स्थानिकांनी पोलिसांना माहिती देताच, पिंपरी पोलीस, गुन्हे शाखा आणि बॉम्ब शोधक नाशक पथकाने घटनास्थळी धाव घेतली. भारत-पाकिस्तान यांच्यातील युद्धाचा तणाव वाढत असताना, पिंपरी रेल्वे स्थानकाजवळ शुक्रवारी (दि. 9 ) दुपारी दोन वाजण्याच्या सुमारास जुने बॉम्ब शेल आढळून आल्याने शहरात एकच खळबळ उडाली आहे. या घटनेमुळे पोलिसांची तारांबळ उडाली असून, बॉम्ब शोधक व नाशक पथकाने तातडीने कारवाई करत बॉम्ब शेल ताब्यात घेतले आहेत.याबाबत पिंपरी पोलिसांनी दिलेल्या माहितीनुसार, पिंपरी रेल्वे स्थानकाजवळील एका भंगाराच्या दुकानात दुपारी 12 वाजण्याच्या सुमारास ही बॉम्ब शेल आढळली. स्थानिकांनी पोलिसांना माहिती देताच, पिंपरी पोलीस, गुन्हे शाखा आणि बॉम्ब शोधक नाशक पथकाने घटनास्थळी धाव घेतली.

पथकाने कसून तपासणी करून दोन्ही बॉम्ब शेल ताब्यात घेतले. हे बॉम्ब शेल जुने असून, त्यांची तीव्रता कमी झाल्याचा प्राथमिक अंदाज आहे. तरीही, खबरदारी म्हणून ते संरक्षण दलाच्या तपासणीसाठी पाठवण्यात आले आहेत.या घटनेमुळे परिसरात भीतीचे वातावरण पसरले असून, रेल्वे स्थानकावर सुरक्षा व्यवस्था कडक करण्यात आली आहे. पोलिसांनी भंगार दुकानाच्या मालकाची चौकशी सुरू केली असून, बॉम्ब शेल कुठून आले याचा तपास सुरू आहे. सध्याच्या संवेदनशील परिस्थितीत अशा घटना नागरिकांमध्ये दहशत निर्माण करत असल्याने, पोलिसांनी नागरिकांना सतर्क राहण्याचे आवाहन केले आहे. तसेच, कोणतीही संशयास्पद वस्तू आढळल्यास तात्काळ पोलिसांशी संपर्क साधण्याचे निर्देश दिले आहेत.

या घटनेने पिंपरी चिंचवड शहरात एकच खळबळ उडाली आहे. अधिक तपास पोलिसांकंडून केला जातं आहे.दुसरीकडे, पाकिस्तानकडून भारताच्या सीमावर्ती भागात हल्ले करण्यात येत आहेत. परंतु भारतीय सैन्य पाकिस्तानचे सर्व हल्ले फोल ठरवत आहे. पाकिस्तानने प्रक्षेपीत केलेल्या क्षेपणस्त्रांचे अवशेष राजस्थान, गुजरात आणि सीमा भागात मिळाले आहेत. पाकिस्तान सतत सीमा भागात ड्रोनच्या सहाय्याने हल्ले करत आहे. भारताने प्रत्युत्तर देत पाकिस्तानच्या बऱ्याच हवाई तळांचे नुकसान केले आहे. पाकिस्तानच्या सरगोधा हवाई तळावरही जोरदार स्फोट घडवण्यात आला आहे. सरगोधा हवाईतळाचं स्फोटात मोठं नुकसान झाल्याची माहिती समोर आली आहे.