क्विक अ‍ॅक्शन फोर्स; भारत-पाकिस्तान तणावानंतर पुण्यातील दगडूशेठ मंदिरात कडक बंदोबस्त.

भारत-पाकिस्तान तणाव वाढल्याने देशातील प्रमुख ठिकाणांची सुरक्षा वाढवण्यात आली आहे. त्यातच पुण्याच्या श्रीमंत दगडूशेठ हलवाई गणपती मंदिराच्या सुरक्षेतही वाढ करण्यातभारत-पाकिस्तान दरम्यान निर्माण झालेल्या युद्धजन्य परिस्थितीमुळे काही शहरांना हाय अलर्टवर ठेवण्यात आले आहे. पाकिस्तानच्या रेडारवर भारतातील धार्मिक स्थळ असल्याची माहिती गुप्तचर यंत्रणांना मिळाल्यानंतर पुण्यातील श्रीमंत दगडूशेठ हलवाई गणपती मंदिर परिसरात काल रात्रीपासून कडक पोलीस बंदोबस्त तैनात करण्यात आला आहे.
या बंदोबस्तात अतिरिक्त पोलीस, SRPF, दंगल नियंत्रण पथक, बॉम्ब शोधक आणि नाशक पथक सहभागी होते. केवळ दगडूशेठ मंदिराच नव्हे तर पुण्यातील ऐतिहासिक शनिवारवाडा परिसरातही सुरक्षा व्यवस्था वाढवण्यात आली आहे.

काल (8 मे) रात्रीपासून पुण्यात बंदोबस्त तगडा करण्यात आला आहे.धार्मिक स्थळांवर हल्ला होऊ नये म्हणून केंद्र आणि राज्य सुरक्षा यंत्रणा सज्ज ठेवण्यात आल्या आहेत. सुरक्षेच्या पार्श्वभूमीवर पोलिसांनी पुण्यातील दगडूशेठ मंदिरात वाहनांची तपासणी व परिसरात गस्त वाढवण्यात आली होती. आता सकाळी काहीसा बंदोबस्त शिथिल करण्यात आला असला, तरी काही शहरांमध्ये अद्याप हाय अलर्ट कायम आहे.भाविकांना दर्शनासाठी मंदिरात जास्त वेळ थांबू दिलं जात नाहीये. दर्शन करुन लोकांना लवकरात लवकर बाहेर काढलं जात आहे. लोकांना सूचना दिल्या जात आहेत की मंदिरात अधिक काळ थांबू नये.

मंदिराच्या बाहेर क्विक अॅक्शन फोर्स तैनात करण्यात आले आहे. हाती बंदुका घेऊन पुणे पोलिसांचे कमांडो सज्ज आहे.जम्मू-काश्मीरमधील पहलगाम येथे झालेल्या दहशतवादी हल्ल्यानंतर भारताने ‘ऑपरेशन सिंदूर’ अंतर्गत पाकिस्तान आणि पाकव्याप्त काश्मीरमधील नऊ दहशतवादी तळांवर हवाई हल्ले केले. या कारवाईत सुमारे 90 दहशतवादी ठार झाल्याची माहिती आहे.या घटनेनंतर पाकिस्तानने नियंत्रण रेषेवर गोळीबार सुरू केला, ज्यामध्ये 16 भारतीय नागरिक मृत्युमुखी पडले आणि 59 जण जखमी झाले. या पार्श्वभूमीवर जम्मू, सांबा, कठुआ, राजौरी आणि पूंछमधील शाळा आणि महाविद्यालये बंद ठेवण्यात आली आहेत.