ऑपरेशन सिंदूर विरोधात सोशल मीडिया पोस्ट भोवली, देशविरोधी कारवायांप्रकरणी नागपुरात तरुणाला अटक.

पोलिसांच्या माहितीनुसार, सिदीकने आपल्या इंस्टाग्राम अकाउंटवर भारतीय सैन्याच्या पाकिस्तानमधील “ऑपरेशन सिंदूर” व छत्तीसगडमधील “ऑपरेशन कगार” या नक्षलविरोधी मोहिमांवर टीका करणाऱ्या आणि भारत सरकारविरोधात द्वेष निर्माण करणाऱ्या पोस्ट शेअर केल्या होत्या.भारताविरोधी आक्षेपार्ह लेखन करणाऱ्या एका विद्यार्थ्याला अटक करण्यात आली. केरळमधील पत्रकार आणि विद्यार्थी कार्यकर्ता रेजाज एम. शिबा सिदीक (वय २६, रा. एडपल्ली, एर्नाकुलम, केरळ) याला देशविरोधी कारवायांप्रकरणी नागपूर पोलिसांनी अटक केली आहे. त्याच्याविरोधात भारतीय दंड संहितेच्या विविध गंभीर कलमांतर्गत गुन्हा नोंदवण्यात आला आहे. रेजाज सिदीक ‘डेमोक्रॅटिक स्टुडंट्स असोसिएशन’ या संघटनेशी संबंधित असून, तो “मक्तूब मीडिया” आणि “दि ऑब्झर्व्हर पोस्ट” यांसारख्या माध्यमांतून जातीय भेदभाव, धार्मिक हिंसाचार, राज्य दडपशाही आणि वंचित समुदायांच्या प्रश्नांवर लेखन करतो. तो नुकताच दिल्लीला गेला होता. परतीच्या प्रवासात तो नागपूर येथे त्याच्या मैत्रिणीला भेटण्यासाठी थांबला असताना, पोलिसांनी गुप्त माहितीच्या आधारे त्याला अटक केली.लकडगंज पोलिस ठाण्याच्या अधिकाऱ्यांनी बुधवारी(७ मे) रजास सिदीक याला अटक केली.

त्याच्यावर भारतीय दंड संहिता कलम १४९ (देशविरोधात युद्ध छेडण्याची तयारी), १९२ (दंगल घडवून आणण्याच्या हेतूने उत्तेजन देणे), ३५१ (गुन्हेगारी धमकी देणे), आणि ३५३ (अफवा पसरवून गोंधळ निर्माण करणे) अंतर्गत गुन्हे दाखल करण्यात आले आहेत.पोलिसांच्या माहितीनुसार, सिदीकने आपल्या इंस्टाग्राम अकाउंटवर भारतीय सैन्याच्या पाकिस्तानमधील  व छत्तीसगडमधील “ऑपरेशन कगार” या नक्षलविरोधी मोहिमांवर टीका करणाऱ्या आणि भारत सरकारविरोधात द्वेष निर्माण करणाऱ्या पोस्ट शेअर केल्या होत्या.

“ऑपरेशन सिंदूर मानवतेविरोधातील हल्ला आहे” असे आक्षेपार्ह विधानही त्याच्या मोबाईलमधून सापडले असल्याचीही माहिती आहे.तपासादरम्यान पोलिसांनी त्याच्याकडून दहा आक्षेपार्ह पुस्तके, प्रतिबंधित माओवादी संघटनांशी संबंधित पत्रव्यवहार व लिखाण तसेच सोशल मीडियावरील आक्षेपार्ह मजकूर जप्त केला आहे. गुप्तचर संस्थांनी सिदीकच्या मोबाइलवर बारीक नजर ठेवून मिळवलेली माहिती पोलिसांना देताच, मारवाडी चौक परिसरातील एका हॉटेलवर छापा टाकून त्याला अटक करण्यात आली. नागपूर पोलिस व अँटीनक्सल ऑपरेशन पथक सध्या रजास सिदीकची सखोल चौकशी करत असून, देशविरोधी कारवायांमध्ये त्याची भूमिका अधिक स्पष्ट होण्याची शक्यता व्यक्त होत आहे.