पुण्यातील तरूणाच्या मृत्यूचं गूढ उकललं, बायकोच्या जबाबाने फिरली सूत्र, एक धागा अन् झाला उलगडा.

पिंपरी चिंचवडच्या थेरगावात 5 ऑक्टोबर 2023 रोजी एका बेपत्ता व्यक्तीच्या खुनाचा उलगडा वाकड पोलिसांनी केला आहे. पत्नीच्या पुरवणी जबाबातून मिळालेल्या माहितीनुसार, मृताच्या दोन मित्रांनीच वैयक्तिक वादातून दारूच्या नशेत गळा चिरून खून केला. आरोपी आंबेजोगाईला पळून गेले होते, परंतु पोलिसांनी त्यांना अटक केली.पिंपरी चिंचवड येथील थेरगाव येथे बेपत्ता व्यक्तीच्या खुनाचे गूढ उकलण्यात वाकड पोलिसांना यश आले आहे. मृत व्यक्तीच्या पत्नीने दिलेल्या पुरवणी जबाबामुळे पोलिसांना या प्रकरणात महत्त्वपूर्ण धागेदोरे मिळाले.

त्यामुळे मृत व्यक्तीच्या दोन मित्रांनीच हा खून केल्याचे तपासात उघड झाले आहे. खून केल्यानंतर दोघेही आंबेजोगाईला पळून गेले होते. मात्र, वाकड पोलिसांनी थेट तिथे जाऊन त्यांना ताब्यात घेतले आहे. ही घटना 5 ऑक्टोबर 2023 रोजी घडली होती.पोलिसांनी याबाबत दिलेल्या माहिती नुसार, 5 ऑक्टोबर 2023 रोजी आपल्या दोन जिवलग मित्रांसोबत मृत झालेला हा बाहेर गेला होता. त्यांच्यात वैयक्तिक कारणावरून वाद होते. याच वादातूनच मित्रांनी मित्राचा काटा काढण्याचे ठरवले. त्यानुसार त्यांनी मित्राला सोबत बोलावून घेतले. त्यानंतर दारू पीत असताना आईवरून शिवीगाळ झाल्याच्या रागातून जिवलग मित्रांनीच त्याचा गळ्यावर वार करून खून केला.

खून केल्यानंतर त्यांनी मृतदेहची विल्हेवाट लावून त्यांनी आंबेजोगाईला पळ काढला. त्यानंतर पती बेपत्ता असल्याची तक्रार पत्नीने पोलिसात नोंदवली. त्यानुसार पोलिसांनी तपासला सुरुवात केली. त्यानंतर पोलिसांनी पत्नीचा पुरवणी जबाब घेतला त्यातून पोलिसांना खुणाचा सुगावा लागला. त्यानंतर पोलिसांनी आपल्या सूत्रांमार्फत आरोपीचा माग काढला आणी त्यांना आंबेजोगाईतून ताब्यात घेतले.दरम्यान, वाकडं पोलिसांनी घटनेचे गांभीर्य लक्षात घेऊन प्रकरणाचा तपास लावला. या प्रकरणाचा उलगडा झाल्याने पोलिसांचे कौतुक करण्यात येत आहे. या प्रकाराने स्थानिकांमध्ये संताप व्यक्त केला जात आहे. पोलिस आता खुनाच्या कारणांचा आणि इतर संभाव्य सहभागींचा शोध घेत आहेत.