Rajendra Nikam
अजिंक्य रहाणे अजूनही भारतीय संघात पुनरागमन करण्यास उत्सुक आहे. ऑस्ट्रेलियातील कसोटी मालिका जिंकून देण्याची त्याची कामगिरी आजही लोकांच्या लक्षात आहे. निवड समितीने दुर्लक्ष केले असले, तरी तो हार मानण्यास तयार नाही. आयपीएलमध्ये चांगली कामगिरी करून पुन्हा संधी मिळवण्याचा त्याचा निर्धार आहे. देशांतर्गत क्रिकेटमध्येही तो सक्रिय आहे. क्रिकेटवर त्याचे प्रेम कायम आहे, असे त्याने सांगितले. भारतीय क्रिकेट संघाला आपल्या चाणाक्ष नेतृत्वगुणांच्या जोरावर ऑस्ट्रेलियात कसोटी मालिका जिंकून देण्याची कामगिरी कर्णधार अजिंक्य रहाणेने बजावली; पण गेली दोन वर्षे तो टीम इंडियापासून दूर आहे. निवड समिती आणि संघव्यवस्थापनाकडून दुर्लक्षित असला तरी भारताचे प्रतिनिधित्व करण्याची अजिंक्यची इच्छाशक्ती आणि कामगिरीची भूक पूर्वीसारखीच आहे. शुक्रवारी पत्रकारांशी ऑनलाइन संवाद साधून या मुंबईकराने आपल्या या सकारात्मक विचारांचे दर्शनच घडविले.
३६ वर्षीय अजिंक्य रहाणे २०२३च्या मोसमात अखेरचा कसोटी क्रिकेट सामना खेळला, तर गेल्या दहा वर्षांपासून त्याचा मर्यादित षटकांच्या आंतरराष्ट्रीय सामन्यासाठी विचार झालेला नाही. तरीही भारतीय संघात पुनरागमन करण्याबाबत त्याने हार मानलेली नाही. ‘भारतीय संघात पुन्हा स्थान मिळवण्याची माझी इच्छा आहे. माझा निर्धार, कामगिरीसाठी आवश्यक असणारी एकाग्रता, जोश आणि दर्जेदार फिटनेस कायम आहे. एका वेळी फक्त एका सामन्यावर लक्ष केंद्रित करून वाटचाल करणे मला भावते. त्यानुसार सध्या तरी माझे पूर्ण लक्ष आयपीएलवर आहे. त्यानंतर भविष्यात काय लिहिले आहे ते बघू,’ असे अजिंक्य म्हणाला.भारतीय संघापासून दूर असला तरी त्याच्या बोलण्यात नैराश्य किंवा नाराजी जाणवत नाही. या प्रतिकूल काळाकडेही तो सकारात्मकता आणि स्वतःवर मेहनत घेण्याची संधी याच दृष्टिकोनातून बघतो आहे. ‘मी कधीच हार मानत नाही.
%20गांधी%20यांचे%20निधन.){kind=link}
