याला माझे मित्र जबाबदार! महत्प्रयासानं ठरलेला प्रेमविवाह मोडला; अफवेमुळे तरुणानं जीव दिला.

झाडाला गळफास लावून घेत १९ वर्षीय तरुणानं स्वत:चं जीवन संपवलं. निश्चित झालेला साखरपुडा मोडल्यानं त्यानं टोकाचं पाऊल उचललं. ठरलेला साखरपुडा आठवड्याभरात मोडल्यानं तरुणाला नैराश्यानं ग्रासलं होतं.लखनऊ: झाडाला गळफास लावून घेत १९ वर्षीय तरुणानं स्वत:चं जीवन संपवलं. निश्चित झालेला साखरपुडा मोडल्यानं त्यानं टोकाचं पाऊल उचललं. ठरलेला साखरपुडा आठवड्याभरात मोडल्यानं तरुणाला नैराश्यानं ग्रासलं होतं. त्यामुळे तो दु:खात होता. ही दुर्दैवी घटना बुधवारी घडली.उत्तर प्रदेशच्या मुझफ्फरनगरमधील मदिना कॉलनीमध्ये तरुणाचा मृतदेह गुरुवारी सापडला. जीव देण्यापूर्वी त्यानं एक व्हिडीओ तयार केला. त्यात त्यानं आपल्या परिस्थितीसाठी स्वत:च्या ३ मित्रांना जबाबदार धरलं. अनस असं मृत तरुणाचं नाव आहे. जीव देण्याआधी त्यानं व्हिडीओ शूट केला. टोकाचं पाऊल उचलण्यापूर्वी त्यानं व्हिडीओ सोशल मीडियावर व्हायरल केला. यानंतर त्यानं गळफास लावून घेत जीवन प्रवास संपवला. अनसनं त्याच्या मृ्त्यूसाठी जबाबदार धरलेले त्याचे तिन्ही मित्र तो राहत असलेल्या परिसरातच राहतात.

मदिना कॉलनीत राहणारा अनस एका डॉक्टरच्या क्लिनिकमध्ये कम्पाऊंडर होता. त्याचा मृतदेह बुधवारी बामनहेडी जंगलात रेल्वे स्थानकाच्या जवळ एका झाडाला लटकलेल्या स्थितीत सापडला. अनसच्या मृत्यूबद्दल समजताच त्याचे कुटुंबीय त्याच्या मोबाईल लोकेशनच्या आधारे घटनास्थळी पोहोचले. अनसचा मृतदेह झाडावरुन उतरवून जिल्हा रुग्णालयात नेण्यात आला. तिथल्या डॉक्टरांनी त्याला मृत घोषित केलं. यानंतर कुटुंबियांनी अनसचा मृतदेह घरी नेला. घटनेबद्दल समजताच पोलीस अनसच्या घरी पोहोचले. त्याच्या कुटुंबियांकडून घडलेल्या प्रकाराबद्दल माहिती घेतली.अनसचे एका तरुणीशी प्रेमसंबंध होते. तिच्याशी लग्न करण्यासाठी त्यानं बरेच प्रयत्न केले. महत्प्रयासानं दोन्ही परिवार लग्नासाठी राजी झाले. दहा-बारा दिवसांपूर्वीच अनसचं त्याच्या प्रेयसीशी लग्न ठरलं होतं. पण त्यानंतर अनसच्या मित्रांनी त्याचा गेल्या वर्षीचा एक व्हिडीओ समोर आणत गावात अफवा पसरवली.मागील वर्षी निवडणूक आचारसंहिता लागू असताना पोलिसांनी अनिसला पकडलं होतं. आचारसंहिता उल्लंघन केल्याचा आरोप त्याच्यावर ठेवण्यात आला. या प्रकरणात सरपंच पदाची निवडणूक लढवणाऱ्या सराफतनं हस्तक्षेप केला. त्यावेळी तिथे सराफत, त्याचा मित्र दिलशाद आणि नौशाददेखील होते. त्यांनी पोलिसांसोबत अनिसचा व्हिडीओ काढला. आता त्याच व्हिडीओचा वापर करुन त्यांनी गावात एक अफवा पसरवली. अनस एका तरुणीसोबत पकडला गेला होता. त्याला पोलीस पकडून घेऊन गेले होते, अशी अफवा पसरवण्यात आली.मित्रांकडून सुरु असलेल्या बदनामीमुळे अनिस वैतागला. मी तसा मुलगा नसल्याचं तो अनेकांना सांगत होता. पण मित्रांनीच त्याची प्रतिमा मलीन केल्यानं त्याच्यावर विश्वास ठेवण्यास कोणीही तयार नव्हतं. त्यामुळे अनसनं जीव देण्याचा निर्णय घेतला. त्याआधी त्यानं एक व्हिडीओ शूट केला. माझे तीन मित्र माझ्या मृत्यूला जबाबदार आहेत. माझ्या कुटुंबियांचा कोणताही दोष नाही, असं म्हणत अनस व्हिडीओ चित्रित केला आणि जीव दिला. या प्रकरणी अनसच्या कुटुंबियांनी पोलिसात कोणतीही तक्रार दिलेली नाही.