दहशतवादी हाशिम मुसा अजूनही पहलगाममध्ये लपून? लष्करातील आकांकडून वाचवण्यासाठी प्लॅनिंग.

पहलगमा हल्ल्यातील मुख्य आरोपी हाशिम मुसा हा अद्यापही पहलगाममध्येच असल्याची माहिती समोक आली आहे. त्याला लपण्यासाठी त्याचे आका मदत करत असल्याचंही कळतंय.पहलगाम दहशतवादी हल्ल्यातील मुख्य गुन्हेगार हाशिम मुसाचे हँडलर त्याला काश्मीरमधून सुरक्षितपणे बाहेर काढण्यासाठी सर्वतोपरी प्रयत्न करत असल्याची माहिती आहे. यासाठी ते त्यांच्या स्थानिक ओव्हरग्राउंड वर्कर मॉड्यूलचा वापर करू शकतात. हाशिम आणि त्याचे साथीदार त्यांच्या हँडलरशी संपर्क साधण्याचा सतत प्रयत्न करत आहेत, असं सुरक्षा एजन्सींना वाटतं.सूत्रांच्या माहितीनुसार, दहशतवादी हे पहलगामच्या २५-३० किलोमीटरच्या परिसरातच कुठेतरी लपले आहेत.

ते दोन वेगवेगळ्या गटात विभागले गेले आहेत. सुरक्षा दलांनी गुन्हेगारांना पकडण्यासाठी शोध मोहीम सुरू ठेवली आहे.फारुख अहमद टिडवा हा मूळचा उत्तर काश्मीरमधील कुपवाडा जिल्ह्यातील कलारस येथील रहिवासी आहे आणि गेल्या आठवड्यात सुरक्षा दलांनी त्याचं घर पाडलं होतं. फारुख अहमद टिडवा गेल्या दोन दशकांहून अधिक काळापासून पाकिस्तानात लपून बसला आहे. तो पूर्वी हिजबुल मुजाहिदीनचा दहशतवादी होता. नंतर तो लष्कराचा भाग बनला. यापूर्वी तो कुपवाडा येथे व्यापलेल्या जम्मू-काश्मीरमधून येणाऱ्या दहशतवाद्यांसाठी मार्गदर्शक म्हणून काम करत होता.तपास यंत्रणांच्या माहितीनुसार, टिडवाने आपल्या स्थानिक नेटवर्कच्या मदतीने हाशिम मुसा आणि त्याच्या साथीदारांना काश्मीरमधील विविध ठिकाणी सुरक्षित लपण्याची ठिकाणे उपलब्ध करून दिली आहेत.२१ एप्रिलला हाशिम मुसा आणि त्याच्यासोबत हल्ला करणारे दहशतवादी बैसरनमध्येच उपस्थित होते का, हे शोधण्याचा प्रयत्न तपास यंत्रणा करत आहेत. प्रसिद्ध झालेल्या दहशतवाद्यांच्या रेखाचित्रे आणि छायाचित्रांनुसार, काही लोकांनी असा दावा केला आहे की त्यांच्यासारखे दिसणारे काही लोक आधीच बैसरन येथे होते. तपास यंत्रणांनी २१ एप्रिलला बैसरन येथे उपस्थित असलेल्या घोडेस्वारांची, तसेच तेथे रेस्टॉरंट्स चालवणाऱ्या आणि इतर सेवा देणाऱ्या लोकांची चौकशी केली आहे.