साखर झोपेत असताना मालवाहू कंटेनरने दिली घराला धडक, एकाचा जागीच मृत्यू, चालक फरार.

नंदुरबार जिल्ह्यातील ब्राह्मणपुरी गावात भीषण अपघात झाला. कोळदा-खेतीया महामार्गावर एक कंटेनर थेट घरात घुसल्याने संजय ठाकरे यांचा जागीच मृत्यू झाला. जनाबाई ठाकरे गंभीर जखमी झाल्या आहेत. त्यांना रुग्णालयात दाखल केले आहे. या अपघातात तीन ते चार घरांचे आणि काही वाहनांचे मोठे नुकसान झाले. शहादा पोलीस स्टेशनमध्ये गुन्हा दाखल करण्याची प्रक्रिया सुरू आहे. चालकाने घटनास्थळावरून पळ काढला.नंदुरबार : कोळदा- खेतीया महामार्गावरील एक कंटेनर थेट ब्राह्मणपुरी गावातील रस्त्याच्याकडेला असलेल्या एका घरात घुसल्याने एक जण जागीच ठार तर एक महिला गंभीर जखमी झाल्याची घटना घडली आहे. सदरची घटना 28 एप्रिल रोजी रात्री एक वाजेच्या सुमारास घडली. घरातील ऐकमेव कर्तापुरुष गेल्याने कुटुंबीय आक्रोश केला.

नंदुरबार जिल्ह्यातल्या शहादा तालुक्यातील ब्राम्हणपुरी गावातून कोळदा खेतीया हा राष्ट्रीय महामार्ग जातो. 28 एप्रिल रोजी रात्री एक वाजेच्या सुमारास महामार्गावरून जाणारा एक मालवाहू कंटेनर अचानक रस्त्याला लागून असलेल्या घराला धडकला. या अपघातात घराच्या अंगणात खाटेवर झोपलेल्या संजय ठाकरे ( वय 45 ) यांच्या अंगावरून कंटेनर गेल्याने संजय ठाकरे यांचा जागीच मृत्यू झाला.तर जनाबाई ठाकरे ही महिला गंभीर जखमी झाली. गावकऱ्यांनी महिलेला रुग्णालयात दाखल केले. संजयच्या मृत्युमुळे त्यांच्या कुटुंबियांवर शोककळा पसरली आहे. घरातील ऐकमेव कर्तापुरुष गेल्याने कुटुंबिय आक्रोश करत आहेत. या कंटनेरच्या अपघातात तीन ते चार घरांचे नुकसान आणि टाटा मॅजीक सह एक दुचाकीचे देखील नुकसान झाले आहे. घटनेप्रकरणी शहादा पोलीसात गुन्हा दाखल करण्याची प्रक्रिया सुरू होती.शहादा तालुक्यातील ब्राम्हणपुरी गावातून जाणाऱ्या महामार्गावरून जाणाऱ्या एक मालवाहू कंटेनर अचानक एका घराला धडकल्याने भीषण अपघात झाला. या अपघातात एक जण ठार तर एक महिला जखमी झाली आहे. कंटेनर घराच्या भिंतींना धडकला त्यामुळे घराच्या भिंतीसह घराचे छतही कोसळले. या अपघातानंतर ट्रक चालक पसार झाला होता. अपघातात घरातील कर्ता पुरुष दगावला व घरही कोसळले त्यामुळे ठाकरे कुटुंबावर मोठे संकट कोसळले आहे. या घटनेने मोठी खळबळ उडालीये. घटनेची माहिती मिळताच लोक मोठ्या संख्येने घटनास्थळी दाखल झाले. जखमी महिलेवर सध्या उपचार सुरू आहेत.