भगवे वस्त्र, विधीवत पूजा… जितेंद्र आव्हाडांकडून ठाण्यात ‘प्रति तुळजापूर’ मंदिराची भक्तिमय वातावरणात प्राणप्रतिष्ठापना.

अक्षय्य तृतीयेच्या मुहूर्तावर प्राणप्रतिष्ठापना सोहळा मंदिरातील देवीच्या मूर्तीचा प्राणप्रतिष्ठापना सोहळा बुधवार, ३० एप्रिलला अक्षय्य तृतीयेच्या मुहूर्तावर राष्ट्रवादी काँग्रेसचे अध्यक्ष शरद पवार व पत्नी प्रतिभा पवार यांच्या हस्ते होणार आहे. मंदिराचा जीर्णोद्धार येथे २१ वर्षे जुने तुळजाभवानीचे मंदिर होते. मात्र वाढत्या नागरिकरणानंतर हे मंदिर रस्त्यात येत असल्याने वाहतुकीला मोठ्या प्रमाणात अडथळा येत होता. अखेर या मंदिराचा जीर्णोद्धार करण्याचा निर्णय जितेंद्र आव्हाड यांनी घेतला. चार वर्षांपासून नव्या मंदिराची उभारणीचे काम जुन्या मंदिराशेजारी चार वर्षांपासून नव्या मंदिराची उभारणीचे काम सुरु होते.

या नव्या मंदिराच्या उभारणीत १३५० टन कृष्णशीळा वापरण्यात आली असून सेलम प्रकारातील दगड मंदिर उभारणीत वापरण्यात आले आहेत. मुर्डेश्वर भागातून दगड आणले तामिळनाडू व आंध्रप्रदेश येथून कर्नाटक येथील मुर्डेश्वर भागातून हे दगड आणले. त्यानंतर याठिकाणी दगडांवर आखीव – रेखीव कोरीवकाम करण्यात आले. २६ दगडी खांब, ३० फुटांचा कळस २६ दगडी खांबांवर उभारलेल्या या मंदिराच्या सभोवती २० गजमुख असून तब्बल ३० फुटांचा कळस आहे. कळसासमोर नवग्रहांची रचना असून राज्यातील काही मोजक्या मंदिरात असा आविष्कार पाहता येतो. ठाणे पालिकेची परवानगी असलेले अधिकृत मंदिर ठाणे महानगरपालिकेच्या सर्व आवश्यक बाबींची पूर्तता करुन मंदिर उभारण्यात आले. मंदिराला ओसी आणि सीसी प्राप्त झाली असून अधिकृत असे हे मंदिर असल्याचे आव्हाड यांनी पत्रकारांशी बोलताना सांगितले. चार दिवस नेत्रदीपक सोहळा साडेतीन मुहूर्तांपैकी एक असलेल्या अक्षय्य तृतीयेच्या दिवशी ३० एप्रिल रोजी सकाळी ९ वाजून ५५ मिनिटांनी देवीच्या मूर्तीची प्राणप्रतिष्ठापना शरद पवार व पत्नी प्रतिभा पवार यांच्या हस्ते होणार आहे. देवीची नगर प्रदक्षिणा ढोल ताशांच्या गजरात पार पाडलीरविवार, २७ एप्रिल रोजी देवीची नगर प्रदक्षिणा ढोल ताशांच्या गजरात पार पडली. सोमवार, २८ एप्रिलपासून तीन दिवस विविध विधी पार पडणार आहेत. बुधवारी राञी आठ वाजता महाआरती व राञी दहापासून बहुजन संस्कृतीचे प्रतीक असलेला अहोरात्र जागर गोंधळ होणार असल्याचे आव्हाड यांनी नमूद केले.