राजगडावर अनधिकृत पुतळा उभारण्याचा प्रयत्न; पुरातत्व विभागाची सतर्कता, पोलिसांकडून कारवाई.

स्वराज्याची पहिली राजधानी राजगड किल्ल्यावर एका संस्थेकडून विना परवानगी छत्रपती शिवाजी महाराजांचा पुतळा बसवण्याचा प्रयत्न करण्यात आला. मात्र, पुरातत्व विभागाच्या सतर्कतेमुळे हा प्रयत्न उधळला गेला.पुण्यातील ऐतिहासिक राजगड किल्ल्यावर एका हिंदू बांधव संस्थेकडून विना परवानगी छत्रपती शिवाजी महाराजांचा पुतळा बसवण्याचा प्रयत्न करण्यात आला. किल्ल्यावरील राजसदरेच्या परिसरात एका रात्रीत मेघडंबरी उभारून त्यात पुतळा बसवण्याचा आणि पूजा करण्याचा डाव होता. मात्र, पुरातत्व विभागाच्या सतर्कतेमुळे हा प्रयत्न उधळला गेला.
पुरातत्व विभागाच्या कर्मचाऱ्यांनी वेळीच ही माहिती वेल्हे पोलिसांना कळवली. त्यानंतर पोलिसांनी तातडीने राजगडावर धाव घेऊन अनधिकृत पुतळा हटवला आणि मेघडंबरी काढून साहित्य जप्त केले. काही तासांतच ही कारवाई पूर्ण झाली.

या प्रकरणी वेल्हे पोलीस स्टेशनमध्ये गुन्हा दाखल करण्याचे काम सुरू आहे.पोलिसांच्या प्राथमिक माहितीनुसार, समस्त हिंदू बांधव संस्थेचे संस्थापक अध्यक्ष रवींद्र पडवळ आणि त्यांच्या सहकाऱ्यांनी हा अनधिकृत पुतळा उभारण्याचा प्रयत्न केला. त्यांच्यावर भारतीय पुरातत्व संहितेनुसार कारवाई करण्यात येत आहे. राजगड किल्ला हा पुरातत्व विभागाच्या संरक्षणाखाली असलेले ऐतिहासिक स्मारक आहे, त्यामुळे येथे कोणतेही बांधकाम किंवा बदल करण्यास कठोर निर्बंध आहेत.या घटनेमुळे स्थानिकांमध्ये आणि शिवप्रेमींमध्ये चर्चा सुरू झाली आहे. पुरातत्व विभागाने याप्रकरणी कठोर पावले उचलण्याचे संकेत दिले असून, भविष्यात अशा घटना टाळण्यासाठी किल्ल्यावरील सुरक्षा वाढवण्याचा विचार सुरू आहे.

याबाबत पुरातत्व खात्याचे सहसंचालक डॉ. विलास वाहणे म्हणाले, “राजगड किल्ला हा राज्य संरक्षित स्मारक आहे. गडावर कोणत्याही प्रकारची बेकायदा वास्तू किंवा साहित्य उभारण्यास पूर्णपणे मनाई आहे. राजसदरे परिसरातील बेकायदा मेघडंबरी जप्त करण्यात आली असून याप्रकरणी वेल्हे पोलिसांकडे तक्रार दाखल करण्यात आली आहे. भविष्यात असे प्रकार टाळण्यासाठी गडावर 24 तास पाहरेकरी नियुक्त केले जाणार आहेत.”30 रुपयांना विकलेल्या किल्ल्यावर अनधिकृत बांधकामगोपाळगडावर जागामालकाने अनधिकृत बाधंकाम केले होते ते तातडीने पाडावे अशी नोटीस पुरातत्व विभागाने जागामालकाला दिले होते. दाभोळ खाडीच्या जवळ असलेला हा किल्ला शासनाने अवघ्या 30 रुपयांना विकला होता.