अकोला हादरलं! सुशिक्षित कुुटुंबातील १४ वर्षीय मुलीनं टोकाचं पाऊल उचललं, सुसाईड नोट सापडली पण…

अकोल्यात सुशिक्षित कुटुंबातील १४ वर्षीय अल्पवयीन मुलीने गळफास घेऊन जीवन यात्रा संपवली आहे. तिच्या मृतदेहाजवळ आढळलेल्या सुसाईड नोटमुळे संपूर्ण परिसरात खळबळ उडाली आहे.अकोल्यातून धक्कादायक बातमी समोर आली आहे. आई वडील काही कामानिमित्त घराबाहेर गेले असता होत्याचं नव्हतं झालं आहे. त्यांच्या १४ वर्षीय अल्पवयीन मुलीने गळफास घेऊन जीवन यात्रा संपवली आहे. तिच्या मृतदेहाजवळ आढळलेल्या सुसाईड नोटमुळे संपूर्ण परिसरात खळबळ उडाली आहे.अकोला जिल्ह्यातील संतोष नगर या परिसरात वास्तव्यास असलेली अवंती भास्कर शेळके वय १४ वर्ष आठवीमध्ये शिक्षण घेत होती. अकोला जिल्ह्यातील सुप्रसिद्ध निशू नर्सरी या शाळेत शिकत होती. अभ्यासात हुशार असलेल्या मुलीने असं टोकाचं पाऊल उचलल्यामुळे संपूर्ण परिसरामध्ये चर्चेला उधाण आले आहे, आश्चर्य व्यक्त केला जात आहे.

अवंती ही एका सुशिक्षित कुटुंबातील मुलगी होती तिची मोठी बहीण देखील एमबीबीएस पदवीधर आहे. सुशिक्षित कुटुंबातील असून देखील असं टोकाचा पाऊल का उचललं याचे कारण समजू शकलेले नाही. या आत्महत्येचे कारण पोलिसांकडून समजू शकलेले नाही.आठवीत शिकणाऱ्या अल्पवयीन मुलीने आत्महत्या केल्याची घटना शुक्रवारी सायंकाळी सात वाजताच्या सुमारास उघडकीस आली. तिच्या मृतदेहाशेजारी सुसाईड नोट आढळल्यामुळे त्या दृष्टिकोनातून पुढील तपास पोलीस करीत आहेत. मुलीचे आई-वडील दुपारी कामानिमित्त घराबाहेर पडले असता फोनवरून मुलीशी त्यांनी संपर्क साधण्याचा प्रयत्न केला. परंतु संपर्क न झाल्याने त्यांना शंका आल्याने त्यांच्या घरातच भाड्याने राहणाऱ्या व्यक्तींना माहिती देऊ तिच्याबद्दल विचारपूस करण्यास सांगितले. तेव्हा त्यांच्या मुलीने आत्महत्या केल्याचा तिच्या आई-वडिलांना या घटनेची माहिती देण्यात आली.खदान पोलिसांनी घटनास्थळी धाव घेऊन मृतदेह ताब्यात घेतला असून आकस्मिक मृत्यूची नोंद केली आहे. या घटनेचा तपास खदान पोलीस स्टेशनचे ठाणेदार मनोज केदारे यांच्या मार्गदर्शनाखाली केला जात आहे. ठाणेदार मनोज केदारे यांनी पालकांना आवाहन केले की, पालकांनी मुलांची सुसंवाद साधावा जेणेकरून मुलांच्या अडचणी समजतील आणि त्या मार्गी लावण्याचा प्रयत्नही केला जाईल.