ज्या शाळेत शिकला, तिथेच IAS म्हणून सत्कार स्वीकारला, जेसीबीतून फुलांची उधळण करत बीडच्या पंकज औटेचे स्वागत.

ज्या जिल्हा परिषद शाळेत औटे यांनी शिक्षण घेतले. त्याच शाळेच्या प्रांगणात हा सत्कार समारंभ सोहळा पार पडला. यावेळी पंचक्रोशीतून लोक आले होते.बीड जिल्ह्यातील युपीएससीत यश संपादन केलेल्या विद्यार्थ्यांचा नायगाव येथे नागरी सत्कार करण्यात आला. यावेळी पंचक्रोशीतील नागरिक मोठ्या संख्येने उपस्थित होते.बीडच्या ज्या जिल्हा परिषदेच्या शाळेत शिक्षण घेतले त्याच शाळेतील प्रांगणात यूपीएससी टॉपरचा नागरी सत्कार करण्यात आला.

जेसीबीतून फुलांची उधळण करत यूपीएससीत यशाला गवसणी घातलेल्या पंकज औटे यांचे ग्रामस्थांकडून जंगी स्वागत करण्यात आले.नायगाव येथील जिल्हा परिषद शाळेमध्ये शिक्षण घेऊन यूपीएससी उत्तीर्ण पंकज औटे गावात दाखल होताच ग्रामस्थांनी त्यांचा नागरिक सत्कार केला.यावेळी पंकज औटे, डॉ.सुशील गीते, कोमल भोंडवे, राजेश निर्मळ आणि बिभीषण बेदरे या ग्रामीण भागातील यूपीएससी आणि एमपीएससी क्रॅक केलेल्या विद्यार्थ्यांचा हा सत्कार मोठ्या थाटात करण्यात आला.तरुणांनी मोबाईलच्या समाज माध्यमाच्या जगाला सोडून स्पर्धा परीक्षेत उतरावे असे आवाहन पंकज औटे यांनी केले.तर गावातील जिल्हा परिषद शाळेत शिक्षण घेणाऱ्या विद्यार्थ्यांना यातून प्रेरणा मिळावी म्हणून या कार्यक्रमाचे आयोजन करण्यात आल्याचं ग्रामस्थांनी सांगितले.