जिल्हा क्रीडा अधिकारी कार्यालय, जळगाव येथे 100 दिवसांच्या कृती आराखड्यानुसार प्रशिक्षण कार्यशाळा आयोजित.

जिल्हा क्रीडा अधिकारी कार्यालय, जळगाव येथे 100 दिवसांच्या कृती आराखड्यानुसार प्रशिक्षण कार्यशाळा आयोजित. शासकीय व निमशासकीय कार्यालयांसाठी शासनाच्या 100 दिवसांच्या कृती आराखडा कार्यक्रमांतर्गत जिल्हा क्रीडा अधिकारी कार्यालय, जळगाव येथे दिनांक 23 ते 25 एप्रिल 2025 या कालावधीत तीन दिवसीय प्रशिक्षण कार्यशाळेचे आयोजन करण्यात आले. सदर कार्यशाळा छत्रपती शिवाजी महाराज जिल्हा क्रीडा संकुल, जळगाव येथील कॉन्फरन्स हॉलमध्ये संपन्न झाली.

दिनांक 23 एप्रिल रोजी जिल्हा क्रीडा अधिकारी  रविंद्र नाईक यांनी “क्रीडा विभागाच्या योजना व उपक्रम” या विषयावर सविस्तर मार्गदर्शन केले. दिनांक 24 एप्रिल रोजी प्रा. डॉ.  अशोक पवार यांनी “माहिती अधिकार अधिनियम व लोक सेवा हक्क कायदा” या विषयावर प्रशिक्षण दिले. त्यानंतर, दिनांक 25 एप्रिल रोजी मानसोपचार तज्ञ डॉ. निरज देव यांनी “कामातील ताण-तणावाचे व्यवस्थापन” या विषयावर मार्गदर्शन केले.

तसेच  कैलास सोनार, अप्पर कोषागार अधिकारी यांनी “महाराष्ट्र नागरी सेवा नियम व वित्तीय कामकाज व नियमावली” याबाबत माहिती दिली.यासोबतच, दिनांक 28 एप्रिल 2025 रोजी मिलिंद बुवा यांचे “कार्यालयीन कामकाजात कृत्रिम बुद्धिमत्तेचा वापर” या विषयावर विशेष प्रशिक्षण सत्र होणार आहे.या प्रशिक्षण कार्यशाळेमध्ये जिल्हा क्रीडा अधिकारी कार्यालयातील सर्व अधिकारी, कर्मचारी तसेच मानधन कर्मचाऱ्यांनी उत्स्फूर्त सहभाग नोंदविला. कार्यशाळेच्या आयोजनाबद्दल उपस्थितांनी समाधान व्यक्त केले.