जवानाचा पाय घसरून विहीरीत पडल्याने मृत्यू.

पाचोरा : सुटीवर आलेल्या जवानाचा विहीरीत पाय घसरल्याने पाण्यात बुडुन मृत्यू झाला. हि घटना २४ रोजी सकाळी उघडकीस आली आहे. रवींद्र पंडितराव पाटील (वय ३८) असे मृत जवानाच्या नाव आहे. भडगाव येथून जवळच असलेल्या बांबरुड खुर्द ता. पाचोरा येथील रहिवासी रवींद्र पाटील आसाम रायफल मध्ये शिलॉंग येथे कार्यरत होते.

ते नुकतेच सुट्टीवर आले असताना गुरुवारी सकाळी ९ वाजता शेतात फेरफटका मारायला गेले होते. तेव्हा त्यांच्या विहिरीत पाय घसरून विहिरीच्या पाण्यात बुडून मृत्यू झाला. जवानाला भडगाव येथील ग्रामीण रुग्णालयात आणले असता वैद्यकीय अधिकारी डॉ. पंकज जाधव यांनी तपासून मृत घोषित केले. मुलगा पियुष व वडिलांनी अंत्यविधी केला. त्यांच्या पश्चात आई, पत्नी, एक भाऊ, एक मुलगा, एक मुलगी असा परिवार आहे. याप्रकरणी पाचोरा पोलीस स्टेशनला अकस्मात मृत्यू नोंद करण्यात आली आहे.या जवानावर शासकीय इतमामात अंत्यसंस्कार करण्यात आले याप्रसंगी प्रांत व तहसील विभागातर्फे निवासी नायब तहसीलदार विनोद कुमावत पोलीस उपनिरीक्षक प्रकाश चव्हाणके छत्रपती संभाजी नगर येथून ९७ तोफखाना ब्रिगेडचे पथक नायब सुभेदार बेलगाम व ग्रामस्थ उपस्थित होते.